Qylmystyq-atqarý júıesi komıtetiniń akademııasy Ádilet mınıstrliginiń Quqyq akademııasy bolyp qaıta qurylady
ASTANA. Shildeniń 29-y. QazAqparat /Ǵalymjan Hasenov/ - Ádilet mınıstrliginiń Qylmystyq-atqarý júıesi komıtetiniń akademııasy Ádilet mınıstrliginiń Quqyq akademııasy bolyp qaıta qurylady. Bul týraly oqý ornynyń baspasóz qyzmetinen habarlady.
Atalmysh sheshim vedomstvolyq bilim júıesin qaıta qurýdyń aıasynda qabyldanyp otyr. Bul týraly Ádilet mınıstri Rashıd Túsipbekov Qylmystyq-atqarý júıesi komıtetiniń birinshi jartyjyldyqtaǵy jumys qorytyndysyna arnalǵan respýblıkalyq alqa otyrysynda málim etti.
Qazirgi tańda bul másele zerdelený ústinde. Egjeı-tegjeı zerttelgennen keıin vedomstvolyq bilim júıesin qaıta qurý jáne oqý ornyn sala qyzmetiniń túrli baǵyttary boıynsha mamandar daıyndaıtyn, onyń ishinde áleýmettik qyzmetkerlerdi, notarıýster men sarapshy-krımınalısterdi, t.b. mamandardy ázirleıtin Ádilet mınıstrliginiń Quqyq akademııasy etip qaıta qurý jónindegi qujattar daıyndalady.
Al ázirge, qylmystyq-atqarý júıesi úshin mamandar daıyndaýmen aınalysatyn akademııanyń basshylyǵyna Komıtettiń buıryǵymen zań ǵylymdarynyń doktory Qazbek Ýkanov taǵaıyndaldy.
