Qylmysty isterge qatysty kelisimge keltiretin medıatorlar az
ASTANA. QazAqparat - Jýyrda Almaty qalasy Medeý aýdandyq sotynda «Qazaqstan Respýblıkasyndaǵy sot óndirisinde medıatsııany qoldanýdyń quqyqtyq máseleleri» degen taqyrypta dóńgelek ústel ótken bolatyn.
Basqosýǵa Medeý aýdany prokýrorynyń kómekshileri Ch.Rsalın, G.Qııazova, A.Býrbaev, Qazaqstan medıtsııa ortalyǵynyń jetekshisi, kásibı medıator I.Vıchovskaıa, «Medıatsııa jáne bitimgershiliktiń biregeı ortalyǵy» qoǵamdyq birlestiginiń atqarýshy dırektory, kásibı medıator M.Mamejanova, Medeý aýdandyq Salyq basqarmasynyń zańgeri M.Sabýrova, «HoýmKredıtBank» AQ-nyń zańgeri E.Saǵatbekov, Medeý aýdandyq sotynyń sýdıalary G.Ábilqaıyr, A.Baıdáýletova, F.Omarov, N.Begaıdar, R.Musaqojaeva, T.Jumamuratov jáne D.Áketaevtar qatysty.
Jıyndy Medeý aýdandyq sotynyń tóraǵasy Erhan Totybaı-tegi ashyp, taqyryptyń ózektiligine toqtaldy. Bitimgershilikpen bitken isterge, medıatorlar jumysyna toqtalǵan tóraǵa ortaq kelisimmen bittetin isterdiń artýyna sottardyń da múddeli ekenin jetkizdi. Óıtkeni, «Medıatsııa týraly» zań talabymen sheshimin tabatyn ister sýdıalardyń júktemesin azaıtady. Bul óz kezeginde sýdıalardyń basqa kúrdeli isterge qatysty izdenýine, saraptaýyna múmkindik týǵyzady. Sondaı-aq, zań taraptardyń ýaqyty men qarjysyn únemdeýge de paıdasyn tıgizedi. Medıatsııanyń artyqshylyǵyn atap ótken Erhan Totybaı-tegi qatysýshylardy taqyrypqa oraı pikir almasýǵa shaqyrdy.
Birinshi kezekte sóz alǵan aýdandyq sot sýdıasy Ásel Ábishevanyń «Medıatsııa týraly» zańnyń qoldanylýyna qatysty túıtkildi máselelerdi talqyǵa saldy. Osyǵan oraı, qatysýshylar taqyryp tóńireginde oılaryn aıtyp, aýdan kóleminde oryn alyp kelgen máselelermen bólisti.
Bul turǵyda, ásirese, kásibı medıatorlar I.Vıgovskaıa men M.Mamejanova qatysýshylardyń kóńilinen shyqty. Bank, Salyq komıtetiniń zańgerleri jáne sýdıalar medıatsııa zańnamasy normalarynyń qoldanysyndaǵy sheshimin tappaı kelgen suraqtarǵa medıatorlar tarapynan keń kólemde uǵynyqty jaýaptar aldy. Óz kezeginde kásibı medıatorlar bank, salyq organdary jáne sýdıalarmen aradaǵy medıatsııa boıynsha túıtkildi máselelerdiń basyn ashyp, ózara bátýaǵa kelisti.
I.Vıgovskaıanyń aıtýynsha, bankter men salyq organdary kóp jaǵdaıda «Medıatsııa týraly» zańnyń talaptaryn oryndaýǵa qulyqty emes kórinedi. Sonymen qatar, Irına hanym qylmystyq ister boıynsha medıatorlardyń tapshylyǵyn aıtyp ótti. Óıtkeni, onda medıator bilikti bolýy jáne Qylmystyq Kodeks talaptaryn jetik meńgerýi qajet. Sondyqtan bolar, kez kelgen medıator qylmystyq is boıynsha bitimgershilik jasaýdy moınyna alýǵa júreksinedi eken. Mańyzdy aqparattar men keleli keńesterge qanyq bolǵan ár salanyń mamandary mundaı basqosýlardy jıi ótkizip turýǵa ýaǵdalasyp tarasty.
