Qylmystardyń basym kópshiligin jergilikti atqarýshy organ qyzmetkerleriniń ózderi jasaıdy
ASTANA. 8 qazan. QazAqparat - Qylmystardyń basym kópshiligin jergilikti atqarýshy organ qyzmetkerleriniń ózderi jasaıdy. Bul týraly Qarjy polıtsııasy agenttiginiń sybaılas jemqorlyq týraly isterdi ashý jáne aldyn alý jónindegi departamentiniń bastyǵy Marat Seksembaev málimdedi, dep habarlaıdy BNews.kz tilshisi.
«Qylmystardyń basym kópshiligin jergilikti atqarýshy organ qyzmetkerleriniń ózderi jasaıdy. Olardyń qatarynda - 579 ártúrli qylmys jasap, isi sotqa berilgen 144 adam bar», - dep habarlady Marat Seksembaev QR Parlamenti májilisiniń zańnama jáne sot-quqyqtyq reformasy jónindegi komıtetiniń kóshpeli otyrysy barysynda.
Onyń sózine qaraǵanda, odan ári tizimdi ishki ister organdarynyń (ІÁ, ІІM, QAJK) qyzmetkerleri jalǵastyrady - 153 qylmys jasalyp, 109 adamnyń isi sotqa berilgen. Kedendik organ qyzmetkerleri - 20 adam 27 qylmys jasaǵan, salyq qyzmeti organdary - 19 adam 39 qylmys jasaǵan, Ádilet mınıstrligi - 19 adam 48 qylmys jasaǵan.
