Qylmystardan zardap shekkenderge kómek berý qory qurylýy múmkin
ASTANA. 18 jeltoqsan. QazAqparat - Bolashaqta san alýan qylmystar kezinde zardap shekken azamattarǵa kómek berýdiń arnaıy qoryn qurý josparlanyp otyr. Bul týraly QR Prezıdenti janyndaǵy Ortalyq kommýnıkatsııalar qyzmetinde ótken brıfıngte QR Bas prokýrorynyń birinshi orynbasary Iogan Merkel osylaı aıtty.
Onyń habarlaýynsha, atalǵan qor kináli azmattardan óndirilgen aqshamen tolyqtyrylady. Bálkim, oǵan jeke menshikti tárkileý sharalary da baǵyttalady. «Árıne, damyǵan elderdiń tájirıbesi kórsetip otyrǵandaı, osy ispetti qorlardyń aqshasy zardap shekken barlyq azmattarǵa jetpeı jatady. Sondyqtan biz qazaqstandyq qordy qurýǵa qatysty zań jobasynda, aldymen, asyraýshysynan aıyrylǵan jáne jynystyq zorlyq-zombylyqqa tap bolǵan azamattarǵa kómek berýdi kózdeımiz. Zań jobasyn talqylaý barysynda onyń barlyǵy qaıta qaralyp, tıisti ózgerister engizilýi ábden múmkin», - deıdi I.Merkel.
