Qylmyskerler kásipkerdiń 27 mln teńgesi men dúnıe-múlkin tartyp almaq boldy - UQK

NUR-SULTAN. QazAqparat - Ulttyq qaýipsizdik komıteti qylmystyq toptyń zańsyz áreketiniń jolyn kesti, dep habarlaıdy QazAqparat vedomstvonyń baspasóz qyzmetine silteme jasap.

«Ulttyq qaýipsizdik komıteti 17 maýsymda Nur-Sultan qalasynda qylmystyq toptyń «M» degen kásipkerden 27 mıllıon teńge, Aqmola oblysynyń Býrabaı kentindegi 10 sottyq jer telimin jáne «Mercedes Gelandewagen» markaly avtomashınasyn qorqytyp almaq bolǵan zańǵa qaıshy áreketiniń jolyn kesti» delingen habarlamada.

Oqıǵa kezinde qylmystyq top músheleri sýyq qarýdy jáne syrt keskini jaýyngerlik qarýǵa uqsas mýlıajdy qoldanyp, kásipkerdiń otbasyna qaýip tóndirdi.