Qylmysker oqýshylardy pyshaqtap tastady
ASTANA. 17 jeltoqsan. QazAqparat - Japonııada bir azamat mektep avtobýsynda qandy qyrǵyn uıymdastyrdy.
Qylmysker 14 oqýshyny pyshaqtap tastady, 16 jasar joǵary synyp oqýshysy aýyr jaraqat aldy. Zardap shekkenderdiń barlyǵy aýrýhanaǵa jetkizildi, dep habarlaıdy RBK agenttigi Associated Press agenttigine silteme jasap.
Oqıǵa Tokıodan 40 shaqyrymdaı jerdegi Torıde temirjol stansasy aýdanynda bolǵan. Qylmyskerdiń oqýshylar mingen eki avtobýsqa kezek-kezek minip, olarǵa pyshaq ala júgirgeni aıtylýda. Qaskóıdi polıtsııa ustady. Ol jumysy, ne turaqty meken-jaıy joq 27 jastaǵy er azamat bolyp shyqty.
Qylmys deńgeıiniń tómendigimen maqtanatyn Japonııada anda-sanda osyndaı aýyr, bir-birine uqsas qylmystar tirkeledi. Osydan 2 jyl buryn Tokıodaǵy Akıhabara oramynda júk kóligine mingen bir er azamat bir top adamdy qasaqana qaǵyp, odan keıin mashınadan shyǵyp kóshede ketip bara jatqan júrginshilerdi pyshaqtaǵan edi.
