Qylmysker qarttar úıinde 3 adamdy atyp óltirdi
ASTANA. QazAqparat - Belgisiz bireý Kırkersvıll eldi mekenindegi (Ogaıo shtaty, AQSh) qarttar úıinde osy mekemeniń eki qyzmetshisin jáne jergilikti polıtsııa bóliminiń basshysyn atyp óltirdi.
Jergilikti polıtsııaǵa kóshede qarýly adamnyń júrgeni jaıly sýyt habar túsken soń tártip saqshylary tekserýge attanǵan.
Artynsha bul jaıly radıo arqyly habarlaǵan ol kúdiktini kórgenin aıtyp jatqan kezde baılanys kúrt úzilgen.
Sońynan polıtsııa qyzmetkeri qarttar úıiniń aýlasynan óli kúıinde tabyldy. Buǵan qosa qylmysker mekemeniń eki qyzmetshi áıelin o dúnıege attandyrǵan da ózin-ózi atyp óltirgen.
Qaza tapqan polıtseı, 36 jastaǵy Erık Dısarıo úsh apta buryn ǵana jumysqa qabyldanǵan kórinedi. Onyń artynda alty balasy men aıaǵy aýyr áıeli qaldy.
