Qylmysker feısbýkti paıdalanyp júr
ASTANA. 14 sáýir. QazAqparat - Polıtsııalardan jasyrynyp júrgen Vashıngton shtatynyń 26 jastaǵy turǵynynyń Facebook-tegi paraqshasyn jańartyp otyrýǵa qalaı amal taýyp júrgenin jurt túsine almaı, dal bolyp jatyr,
dep habarlaıdy Nur-Astana gazeti.
Travıs A.Nıkolaısen dosynyń «Seni koptar izdep júr» degen eskertpesine, «Iá, qashyp qutyldym, rahmet baýyrym» dep jaýap jazǵan eken. Nıkolaısen bes ret sottalǵan. «Onyń ishinde otbasylyq zorlyq kórsetý, tonaý, sýyq qarý urlaý sekildi aýyr qylmystary bar», - deıdi Vashıngton shtatynyń polıtseıleri.
Nıkolaısenniń bir dosy ony polıtseılerden saqtandyrsa, ekinshisi ýaqyt ótkizbeı zań oryndarynyń qolyna berilý keregin aıtyp, aqyl qosypty. Taǵy bir dosy «Seniń ómiriń áli alda ǵoı» dep ony músirkegendeı bolady. Nıkolaısenniń feısbýktegi paraqshasynda eki balasyn kóterip túsken fotosýreti bar.
Quqyq qorǵaý organdary tarapynan arnaıy buıryq beriler bolsa onyń osy jelige qalaı kirip júrgenin IP adresi men GPS arqyly anyqtaý qıynǵa soqpaıdy. Polıtseıler 19 myń ǵana turǵyny bar Port-Anjels qalasynda Nıkolaısenniń op-ońaı kózge túsip qalýy yqtımal ekenin jasyrmaıdy. «Turǵyndarynyń sany az qaladan qashyp ketý jáne únemi jasyryn júrý óte qıyn sharýa. Ony kórgen adamnyń dereý polıtsııaǵa habarlaıtynyna senimdimiz», - deıdi polıtsııa qyzmetkeri Braıan Smıt.
