Qylmys jıi jasalatyn jerlerge modýldyq beketter ornatylady - ІІM
ІІM halyqqa yńǵaıly bolý úshin krımınogendik ýchaskelerde jáne quqyq buzýshylyqqa beıim jerlerde modýldik úlgidegi statsıonarlyq polıtsııa beketterin ornatýdy josparlap otyr.
«Modýldik beketter barlyq kommýnaldyq jaılylyǵymen (jeldetkish, sý qubyry, káriz, jylý), kommýnıkatsııa (kompıýter, telefon, radıostantsııa) jáne qaýipsizdik (beınebaqylaý, «shaqyrý domofony» júıesi) júıelerimen jaraqtandyrylady. Osyndaı bekette polıtseıler táýlik boıy qyzmet kórsetedi. Tańǵy 8.00-den keshki 20.00-ge deıin ýchaskelik polıtsııa ınspektory bekette bolady jáne azamattardyń ótinish-aryzdaryn qabyldaıdy» delingen habarlamada.
Kúzet oryndary men irgeles aýmaqtarda quqyqtyq tártipti jáne azamattardyń qaýipsizdigin qorǵaý úshin patrýldik qyzmettiń kezekshiligi uıymdastyrylady.
Bul jańalyq azamattardyń ótinishterine polıtsııanyń ýaqytyly jáne sapaly áreket etýin qamtamasyz etedi, olardy qylmystyq qol suǵýshylyqtan qorǵaý tıimdiligin arttyrady dep kútilýde.
Modýldik úlgidegi statsıonarlyq beketter jergilikti atqarýshy organdardyń járdemimen qylmys jıi jasalatyn jerlerge ornatylady.