Qylmys jasap izdeýde júrgen Qazaqstan azamaty Reseıde ustaldy
ASTANA. Mamyrdyń 12-si. QazAqparat /Aıdar Ospanalıev/ - Shyǵys Qazaqstan oblystyq tártip saqshylary Borodýlıha aýdanynda 1999 jyly jasalǵan qylmystyń betin ashty. Arnaıy júrgizilgen jedel-saýyqtyrý sharalarynyń barysynda Reseıdiń Túmen qalasynan Pavlodardyń 37 jasar turǵyny ustalyp, ol óziniń 33 jasar azamatty óltirgendigin moıyndady,
dep habarlaıdy QazAqparat.
Іshki ister mınıstrligi taratqan málimetterge qaraǵanda, qazirgi tańda ol qylmystyq is qozǵaý úshin elimizge ekstradıtsııalanǵan. Sondaı-aq Іshki ister mınıstrliginiń Krımınaldyq polıtsııa komıtetiniń ókilderi Astanada 48 jasar Reseı azamatyn qolǵa túsirgen. Ony Omby oblystyq Іshki ister basqarmasy adamǵa asa aýyr dene jaraqatyn salǵany úshin 2004 jyldan beri izdep júrgen. Qazir atalmysh azamatty Reseı aımaǵyna ekstradıtsııalaý máselesi talqylanýda. Sondaı-aq Qazaqstannyń Interpol ulttyq ortalyq bıýrosynyń suraýy boıynsha Almaty qalasynyń polıtseıleri 36 jasar Qyrǵystan azamaty Eldar Saǵynalıevti qolǵa túsirdi. Ony qyrǵyz Úkimeti alaıaqtyq áreketi úshin izdestirip júrgen. Qazirgi tańda ustalǵan azamatty eline qaıtarý máselesi qaralýda.
