Qylmys jasaǵan jasóspirimder tárbıelik jumystarǵa májbúrli tartylmaq

ASTANA. QazAqparat – Qylmystyq is úshin kináli dep tanylǵan kámeletke tolmaǵan adamǵa májbúrli túrde tárbıelik yqpal etý sharalary qoldanylady. Bul týraly ashyq talqyǵa shyǵarylǵan «QR keıbir zańnamalyq aktilerine Qylmystyq, Qylmystyq-protsestik jáne Qylmystyq-atqarý kodeksterin ońtaılandyrý máseleleri boıynsha ózgerister men tolyqtyrýlar engizý týraly» QR Zań jobasynda jazylǵan, dep habarlaıdy QazAqparat tilshisi.

Jańa redaktsııaǵa sáıkes, qylmys jasaǵany úshin kináli dep tanylǵan adamǵa sotpen kelesi qylmystyq-quqyq áser etý sharalary qoldanýy múmkin:

- múlkin tárkileý;

- arnaýly, áskerı nemese qurmetti ataǵynan, synyptyq sheninen, dıplomatııalyq dárejesinen, biliktilik synybynan jáne memlekettik nagradalarynan aıyrý;

- belgili bir laýazymdy atqarý nemese belgili bir qyzmetpen aınalysý quqyǵynan aıyrý;

- Qazaqstan Respýblıkasynyń azamattyǵynan aıyrý;

- sheteldikti nemese azamattyǵy joq adamdy Qazaqstan Respýblıkasynyń sheginen tysqary jerge shyǵaryp jiberý;

- kámeletke tolmaǵan adamǵa tárbıelik yqpal etýdiń májbúrleý sharasy;

- medıtsınalyq sıpattaǵy májbúrleý sharalary.

Buǵan deıin sot úkimimen kámeletke tolmaǵan adamǵa májbúrli túrde tárbıelik yqpal etý jáne medıtsınalyq sıpattaǵy májbúrleý sharalary qoldanylmaıtyn.