Qylmys: eki bala kereýettiń astyna tyǵylyp aman qalǵan
ASTANA. 1 aqpan. QazAqparat /Arman Asqarov/ - Almatyda kásipker áıeldiń úıin tonaǵan qylmystyq top quryqtaldy.
Bul týraly búgingi baspasóz málıhatynda QR Іshki ister mınıstrliginiń resmı ókili Nurdildá Oraz habarlady.
Onyń aıtýynsha, qańtar aıynda bolǵan osy qylmys kezinde bet perde kıgen beıtanys eki adam, almatylyq kásipker áıeldiń úıine basa kóktep kirip, eki kishkentaı balany baǵyp otyrǵan úı jumyskerine pyshaq jaraqatyn salǵan. Osydan keıin 600 myń teńgeden asatyn altyn buıymdaryn jáne basqa da baǵaly zattardy jymqyryp ketken. Abyroı bolǵanda, úıde bolǵan eki bala kereýettiń astyna tyǵylyp aman qalǵan. «Jedel-izdestirý is-sharalary barysynda Almaty qalasynyń jáne oblystyń 19 jáne 22 jastaǵy eki turǵyny quryqtaldy. Qaraqshylyq shabýyl jasaý faktisi boıynsha aldyn ala tergeý júrgizilip jatyr», - deıdi N.Oraz.
