Qylqalam sheberi Jeńis Kákenulynyń jınaǵy jaryq kórdi

Bul jınaqqa qazaqtyń beıneleý álemi, qazaq sýretshileriniń shyǵarmashylyq bolmysy týraly sýretshi J. Kákenulynyń jazǵan pýblıtsıstıkalyq eńbekteri engen.

Eńbektiń basty ereksheligi - jazýshy-jýrnalısterden bólek, ónertanýshylardyń paıymyna uqsamaıtyn, taza sýretshiniń kózqarasymen jazylǵandyǵynda.

Qazaqstannyń táýelsizdik jyldary sýretshilerdiń shyǵarmashylyq eńbekteri sýretshi kózimen bezbendelip, qaǵazǵa qazaq tilinde túskeni joqqa tán ekenin eskersek, bul eńbek - sol olqylyqtyń ornyn toltyrýǵa jasalǵan qadamnyń biri.

Jınaq álemge tanymal realızm, ımpressıonızm, kýbızm, gıperrealızm ókilderine, portretshi, marınıst sýretshilerdiń de shyǵarmashylyq jolyna arnaldy.

Sýretshiniń birneshe jylǵy pýblıtsıstıkalyq eńbekteriniń jeke jınaq bolyp jaryq kórip, oqyrmandar qolyna jetýine «Folıant» baspasy qoldaý kórsetip otyr.

Aıta ketý kerek, sýretshi, Qazaqstan Sýretshileri odaǵynyń múshesi Jeńis Kákenuly1965 jyly Almaty oblysynda dúnıege kelgen. 1989 jyly, Abaı atyndaǵy Qazaq memlekettik ýnıversıtetiniń kórkem-sýret grafıka fakýltetin bitirdi. 1989-2005 jyldary respýblıkalyq "Aq jelken", "Aı", "Zerde", "Týrabı" jýrnaldarynda, "Mádenıet" gazetinde sýretshi bolyp jumys istedi.

1988 jyldan beri eńbekteri elimizdegi kórmelerge, sondaı-aq AQSh, Germanııa, Túrkııa elderinde kórmelerge qatysqan. Almaty, Astana qalalarynda jeke kórmeler uıymdastyrdy. Kartınalary Memlekettik Á.Qasteev atyndaǵy óner mýzeıinde, Qazirgi zaman óneri mýzeıinde, Prezıdenttik mádenıet ortalyǵynda saqtaýly. Elimizdiń jáne shet elderdiń /Moldavııa, Germanııa, Túrkııa/ jeke kartına jınaýshylar qorynda da sýretteri bar.

2000 jylǵy «Mádenıetti qoldaý jyly» belgisiniń avtory. Qazaqstan Respýblıkasy mádenıet qaıratkeri. Prezıdenttik stıpendııa ıegeri.

"Folıant", "Elorda", "Aýdarma", "Sózdik", "Polıgrafkombınat" sekildi baspa úılerinde eki júzge jýyq kitaptyń muqabasyn bezendirip, jaryqqa shyǵarǵan.