Qydyráli Bolmanov ómir joly jaıynda kitap jazyp jatyr
ASTANA. QazAqparat - Ánshi, prodıýsser Qydyráli Bolmanov óziniń shyǵarmashylyq ómir joly jaıynda kitap jazý ústinde. Bul týraly búgin ol «Ulytaý» tobynyń aldaǵy kontsertine oraı ótken brıfıngte málim etti.
«Búgin, ásirese «Ulytaýdyń» jyldyq mereıtoılyq kontserti aldynda eńbegimniń esh ketpegendigin sezinip otyrmyn. 20 jyldyń ishinde men ánshiler men jobalardyń tutas armııasyn qalyptastyrdym dep aıta alamyz. Keıde munyń barlyǵyna da qalaı úlgergenimdi túsinbeımin de», - dedi ol.
Osy rette ol óziniń shyǵarmashylyq joly jaıynda kitap jazyp jatqandyǵyn atap ótti.
«Men qazir kitap jazyp jatyrmyn. Keıde buralań, keıde qıyn, endi birde tamasha jetistikterge jol ashqan Amerıkadaǵy, Eýropadaǵy, Gran-prıdegi kontsertterimizge kóz júgirtsem, Alla taǵalanyń bizdiń umtylysymyzdy elegeni-aý degen oıǵa ketemin. Tipti, biz Koroleva ordenin de aldyq», - deıdi Q.Bolmanov.
Aıta keteıik, «Ulytaý» etno-rok toby 6 shildede - elorda kúninde «Alaý» muz saraıynda kontsert ótkizedi. Kelýshiler «Ulytaý» toby, Qaraqat Ábildına men Qydyráli Bolmanovtyń oryndaýyndaǵy erekshe jaryqtandyrýdyń súıemeldeýimen jańa jáne eski ánderdi tyńdaıdy. Mereıtoı ıelerin shyǵarmashylyqtaǵy áriptesteri men dostary da quttyqtaıdy.
