Kvotadan tys jáne ruqsatsyz jumys isteı alatyn sheteldikter sanattarynyń tizimi ózgertilmek
ASTANA. KAZINFORM — Eńbek jáne halyqty áleýmettik qorǵaý mınıstrligi «Eńbek qyzmetin júzege asyrý úshin sheteldik jumys kúshin tartý maqsatynda jergilikti atqarýshy organdardyń ruqsatyn talap etpeıtin tulǵalardyń tizbesine» túzetýler ázirledi.
Qujat aǵymdaǵy jyldyń 2 maýsym aıyna deıin qoǵamdyq talqylaý úshin «Ashyq NQA» portalynda ornalastyrylǵan.
Eńbek jáne halyqty áleýmettik qorǵaý mınıstrliginiń málimetinshe túzetýler jergilikti atqarýshy organdardyń ruqsatynsyz bir uıymda eńbek qyzmetin júzege asyrý úshin tartylýy múmkin sheteldik azamattardyń sanyn naqtylaý úshin ázirlendi.
— Engiziletin ózgeristerge sáıkes júz paıyzdyq sheteldik qatysý úlesi bar qazaqstandyq zańdy tulǵalar ózderiniń jarǵylyq kapıtalyna kvotadan tys jumysqa tek birinshi basshyny jáne onyń bir orynbasaryn ǵana qabyldaı alady, — delingen habarlamada.
Aıta kektelik elimizge kelgen sheteldikter kóbine qaı salada jumys isteıtini týraly jazǵan edik.