KVN joǵary lıgasynyń jazǵy kýbogy alǵash ret Astanada ótedi
ASTANA. QazAqparat - Astana kúnin merekeleý jáne «EKSPO-2017» halyqaralyq mamandandyrylǵan kórmesi aıasynda ótkiziletin erekshe sharalardyń biri retinde - jyl saıyn jaz aılarynda ótkiziletin KTK (Kóńildiler jáne tapqyrlar klýby) kýbogy bolady.
Kýbok alǵash ret Qazaqstannyń elordasynda KTK joǵary lıgasynyń sońǵy jyldardaǵy chempıondarynyń arasynda ótkiziledi. Keshti úlken Aleksandr Maslıakov júrgizedi, dep habarlady Astana qalasynyń mádenıet, muraǵattar jáne qujattama basqarmasynan.
«KTK-nyń jazǵy chempıonaty 2017 jyldyń 1 shildesinde óz kórermenderine kóterińki kóńil kúı syılaıdy. «Azııa MIX» (Bishkek), «Kamyzıak ólkesiniń» quramasy, «Pıatıgorsk» qalasy» komandalary Astanada ózara saıysqa túsedi, sondaı-aq, osy oıyn úshin arnaıy «KAZAHI» KTK komandasy qaıta jınalady. Sońǵy jyldardaǵy eń úzdik chempıon komandalardan basqa elordaǵa bedeldi qazylar alqasynyń turaqty músheleri de keledi.
KTK postkeńestik keńistiktegi eń tabysty ázil-syqaq jobasy. Astanada KTK-2017 jazǵy kýbogyn ótkizý qala úshin de, memleket úshin de mańyzdy oqıǵa bolmaq», delingen habarlamada.
