KVI órshigen aımaqtar, oqýshylardyń syrqattanýy, vaktsına - COVID-19-ǵa qatysty ahýal qandaı
Máselen, osy ýaqytqa deıin jer sharynyń 217 elinde Covid-19 ınfektsııasyna 52 418 640 adam shaldyǵyp, sońǵy ýaqytta syrqattanýshylyq ósimi 1,2 paıyzǵa jetti. 1 288 797 adam indet qurbanyna aınaldy. Búginde ásirese ınfektsııanyń ósýi Eýropa men Azııanyń keıbir elderinde tirkelip otyr.
Qazaqstanda da jaǵdaı máz emes. Osy jyldyń 12 qarashasyndaǵy jaǵdaı boıynsha elimizde 118 491 naýqas tirkeldi. Onyń ishinde búgingi kúni 108 632 naýqas saýyǵyp shyqty. Dál qazirgi ýaqytta 7 941 naýqas emdelip jatyr. Ókinishke qaraı, 1 899 otandasymyzdan aıyryp qaldyq. Sonymen qatar sońǵy táýlikte 587 adamnyń koronavırýsqa shaldyqqany belgili boldy. 1 tamyzdan bastap COVID-19 pnevmonııasyna 39 545 adam shaldyqty. Onyń ishinde 23 351 adam emdelip, saýyǵyp shyqty. Al 9 782 naýqas em qabyldaýda. 412 adam qaıtys boldy. Sońǵy táýlikte 188 adamnan pnevmonııa anyqtaldy.
Búgin elimizdegi koronavırýs ınfektsııasyna qatysty epıdemıologııalyq ahýalǵa arnalǵan baspasóz máslıhaty barysynda QR Densaýlyq saqtaý vıtse-mınıstri - Bas memlekettik sanıtarııalyq dáriger Erlan Qııasov sońǵy 2 aptanyń ishinde respýblıkanyń barlyq óńirinde COVID-19-ben syrqattanýdyń kúrt ósýi baıqalyp otyrǵandyǵyn aıtady.
«Syrqattanýshylyq barlyq óńirde oryn alýda. Ótken aptamen salystyrǵanda aýrý 1,7 esege ósti. Aýrý juqtyrýdyń 45 paıyzy Shyǵys Qazaqstan oblysynda tirkeldi. Qostanaı oblysynda 4 esege ósse, Batys Qazaqstan oblysynda 3,2 esege artty. Al Pavlodar óńirinde 2,7 esege kóbeıip, aıtarlyqtaı ósim baıqalýda. Búgingi kúni atalǵan óńirlerdiń ákimdikteri kúsheıtilgen sharalardy qabyldaýda», - dedi ol.
«Qyzyl» jáne «sary» aımaqqa engen óńirler
Elimizdegi epıdemıologııalyq jaǵdaıdyń nasharlaýyna baılanysty karantındi kúsheıtýdiń qosymsha sharalary qabyldanyp ta otyr. Atap aıtar bolsaq, sanıtarlyq beketter ornatylyp, Petropavl men Kókshetaý qalalaryna kirý jáne shyǵý shekteldi. Sanıtarlyq blokpostar da ornatyldy. Keıbir oblystarǵa keletin jáne ketetin áýe men temir jol qatynasynyń sany qysqartyldy. Temir jol quramynyń oblys ishinde júrýine tyıym salyndy. Qoǵamdyq tamaqtaný oryndarynyń jumys ýaqyty shekteldi. Jumys kúnderi aýdany 800 sharshy metrden asatyn saýda úıleriniń, saýda ortalyqtarynyń, azyq-túlik emes dúkenderdiń jumys ýaqytyna shekteýler engizildi. Jumys isteıtin qyzmetkerlerdiń keminde 80 paıyzy qashyqtan jumys isteýge kóshirildi. Jınalystardy oflaın formatta ótkizýge tolyqtaı tyıym saldyndy. Demalys jáne mereke kúnderi shekteý sharalary tolyq kúsheıtildi. Shyǵys jáne Soltústik Qazaqstan oblystarynda áýejaılarǵa, temir jol vokzaldaryna kútip nemese shyǵaryp salatyn azamattardyń kirýine tyıym salyndy. Qolynda bıleti bar azamattar ǵana temir jol men áýejaı vokzaldaryna kire alady.
«Qazirgi ýaqytta «qyzyl aımaqqa» Shyǵys Qazaqstan, Pavlodar, Batys Qazaqstan jáne Qostanaı oblysy kirip otyr. Al «sary aımaqqa» Aqmola oblysy men Nur-Sultan qalasy kiredi. Qalǵan óńirler «jasyl aımaqqa» jatady», - dedi Erlan Qııasov.
Oqýshylar arasynda KVI beleń alyp barady
QR DSM Taýarlar men kórsetiletin qyzmetterdiń sapasyn jáne qaýipsizdigin baqylaý komıtetiniń resmı ókili Erjan Baıtanaevtyń derekterine sáıkes, búginde elimizde 825 oqýshynyń koronavıýrs juqtyrǵany belgili bolyp otyr.
«Biz oqýshylar arasyndaǵy syrqattaný máselesin kún saıyn baqylaýda ustap kelemiz. Oqý jyly bastalǵaly beri oqýshylar arasynda koronavırýs ınfektsııasynyń 825 jaǵdaıy tirkeldi. Onyń ishinde kezekshi synyptarda oqıtyn balalar sany - 261. Bul oflaın rejımde bilim alýshylardyń jalpy sanynyń 0,03 paıyzyn quraıdy. Al onlaın formatta bilim alatyn balalardyń KVI indetine shaldyǵýy 564 oqýshy boldy. Bul 0,02 paıyzǵa teń», - dedi ol.
Resmı ókildiń dereginshe, sońǵy aptada 9 óńirde kezekshi synypta oqıtyn oqýshylar arasynda 62 jaǵdaı tirkeldi.
«Balalar arasynda aýrýǵa shaldyqqandar kóp óńirlerdiń qatarynda Shyǵys Qazaqstan 32, Pavlodar 12, Batys Qazaqstan 5 bar. Al qalǵan 4 óńirde aýrýdyń birli-jarym jaǵdaıy tirkeldi. Atap aıtqanda, Qaraǵandy, Aqmola oblystary men Nur-Sultan qalasynda - 3 jaǵdaı, Soltústik Qazaqstan men Atyraý oblystarynda - 1 jaǵdaı», - dedi Erjan Baıtanaev.
Mine, osyndaı derekterge qaramastan atalǵan óńirlerdiń epıdemııaǵa qarsy jáne shekteý sharalaryn saqtamaıtyn nysandary sanynyń edeýir ulǵaıǵany baıqalady. Máselen, ótken aptada Shyǵys Qazaqstan oblysynda shekteý sharalaryn buzatyn nysandardyń úles salmaǵy 12-den 33 paıyzǵa, Almaty oblysynda 5-ten 12 paıyzǵa artqan.
«Ákimshilik quqyqbuzýshylyq týraly kodekstiń 425-babyna sáıkes, shekteý sharalary talaptaryn buzǵany úshin Túrkistan oblysynda 237, Shyǵys Qazaqstan oblysynda 260, Almaty oblysynda 106 jáne Aqmola oblysynda 101 nysanǵa ákimshilik aıyppul saldy», - dedi Erjan Baıtanaev.
Koronavırýs shet elden de kelip jatyr
Este bolsa, QR Bas memlekettik sanıtarııalyq dárigeriniń qaýlysyna sáıkes elimizdiń memlekettik shekarasy arqyly ótýshilerge talap qatańdatylǵan bolatyn. Sol qaýly qabyldanǵan 2020 jyldyń 6 qazannan bastap elimizdiń memlekettik shekarasynyń avtomobıl ótkizý pýnktteri arqyly 196 myń adam ótken. Onyń ishinde 364 adamda oń nátıjesi bar koronavırýs ınfektsııasy anyqtaldy. Al halyqaralyq áýe reısterimen 60 953 jolaýshy ushyp keldi. 8 827 adamnan test aldyndy. Oń nátıjemen 48 adam anyqtaldy. Atap aıtqada, Túrkııadan - 16, Mysyrdan - 18, BAÁ-den - 5, Belarýstan - 7 jáne Reseıden - 2 adam vırýs juqtyryp kelgen.
Erjan Baıtanaevtyń aıtýynsha, Qazaqstan aýmaǵynda turýǵa ruqsaty bar sheteldikter, olardyń otbasy músheleri, QR azamattarynyń otbasy músheleri bolyp tabylatyn sheteldikter úshin elimizdiń shekarasyn kesip ótý tártibine ózgerister engizildi. Endi bul azamattar memlekettik shekarany 90 táýlikte bir ret qana kesip óte alady.
«Sondaı-aq 2021 jyldyń 1 mamyryna deıin 57 eldiń azamaty úshin vızasyz rejımdi toqtatýǵa májbúr boldyq. 2021 jyldyń 1 qańtaryna deıin Qytaı men Úndistannan keletin tranzıttik jolaýshylardyń QR aýmaǵynda 72 saǵat vızasyz júrý jeńildigi toqtaldy. Ýkraına, BAÁ, Germanııa, Belarýs, Túrkııamen áýe reısteriniń sany qysqardy. Qazaqstan aýmaǵyna áýe reısterimen kelgen barlyq adamda, onyń ishinde Qazaqstan azamattarynda, sondaı-aq ekijaqty halyqaralyq júk tasymalyn júzege asyratyn júrgizýshilerde PTR testileý týraly anyqtamasy bolýy tıis degen sheshim shyǵaryldy», - dedi ol.
Qazaqstan koronavırýsqa qarsy qandaı vaktsına satyp alýy múmkin?
Sonymen qatar búgingi baspasóz máslıhaty barysynda QR Densaýlyq saqtaý vıtse-mınıstri - Bas memlekettik sanıtarııalyq dáriger Erlan Qııasov elimiz koronavırýsqa qarsy qandaı vaktsına satyp alynýy múmkin ekendigin de aıtty.
«Búgingi kúni álemde belgili ári naqtylanǵan 198 vaktsına-kandıdat ázirlenip jatyr. 42 vaktsına adamdarǵa klınıkalyq synaqtan ótýde. Qazirgi ýaqytta keleshegi bar dep 3 vaktsınany bóle qarastyryp otyrmyz. Olar Oksvord vaktsınasy, Reseıde ázirlenip jatqan «Spýtnık-5» jáne qazaqstandyq vaktsına», - dedi Erlan Qııasov Ortalyq kommýnıkatsııalar qyzmetinde ótken baspasóz máslıhatynda.
Osy oraıda vıtse-mınıstr qazaqstandyq vaktsınany ázirleý qaı satyǵa jetkendigine toqtaldy.
«Bul vaktsınanyń alǵashqy synaǵy ótkizilip, qazirgi ýaqytta ekinshi kezeńi júzege asyrylyp jatyr. Kelesi jyldyń basynda osy vaktsınany beıimdeýdiń úshinshi satysyna kirisemiz degen úmit bar. Al vaktsınatsııalaýǵa jatatyn adamdar sanyna qatysty jumys júrgizilýde. Aldyn ala boljamdy san 2 mln-nan astam adam bolatyn. Qazirgi ýaqytta qosymsha kontıngent anyqtalyp otyr. Sondyqtan bul sandy ulǵaıta túsemiz. Al vaktsınany tańdaý synaqtyń úshinshi kezeńi ótkizilip, ony tirkeýdiń barlyq zańdy protsedýralary júrgizilgennen keıin ǵana anyqtalady», - dedi ol BAQ ókilderiniń saýalyna oraı.
Aıta keterligi, keshe Qazaqstan Prezıdenti Qasym-Jomart Toqaev pen Reseı Prezıdenti Vladımır Pýtın telefon arqyly sóılesken bolatyn. RF Prezıdentiniń resmı saıty taratqan aqparatqa qaraǵanda, taraptar áńgimelesý barysynda koronavırýs pandemııasymen kúres, onyń ishinde Qazaqstan aýmaǵynda birlesken vaktsına óndirisin uıymdastyrý jospary talqylanǵan. Osy máselege qatysty pikir bildirgen Erlan Qııasov birlesken vaktsına óndirisi máselesi aıaq astynan kóterilgendigin aıtady.
«Keshe Memleket basshylary telefon arqyly áńgimelesý barysynda bul máseleni kóterdi. Búgingi kúni bul másele pysyqtalýda. Bul ıdeıa bir kún buryn ǵana týǵan edi. Sondyqtan dál qazir naqty eshteńe aıta almaımyn», - dedi ol.
