KVI-men kúres: Sáýirde vaktsınalaýdyń qosymsha oryndary iske qosylady
Koronavırýstyń jańa shtamy
Qazaqstanda Dúnıejúzilik densaýlyq saqtaý uıymymen birlesip Covid-19 shtamdaryn anyqtaıtyn ekspress PTR-skrınıngtiń jańa ádisi engizildi. Ulttyq qoǵamdyq densaýlyq saqtaý ortalyǵy fılıalynyń referens-zerthanasy KVI anyqtalǵan naýqastardan alynǵan zerthanalyq úlgilerdi zerdeledi.
«Zertteý qorytyndysy boıynsha Shyǵys Qazaqstan, Qostanaı, Pavlodar jáne Soltústik Qazaqstan oblysynan ózge óńirlerde «brıtandyq», «ońtústik afrıkalyq», «brazılııalyq» shtamǵa tán yqtımal mýtatsııa anyqtaldy. Almaty qalasynda naýqastardan alynǵan DNK-nyń sekvenırleý nátıjesi boıynsha «brıtandyq» jáne «ońtústik afrıkalyq» shtamynyń aınalymy belgilengen», - dedi A.Tsoı.
Dúnıejúzilik densaýlyq saqtaý uıymynyń 2021 jylǵy 30 naýryzdaǵy derekteri boıynsha «brıtandyq shtamm» 125 elde, «ońtústik afrıkalyq» - 75 elde, al «brazılııalyq» 41 elde anyqtaldy. Koronavırýstyń jańa shtamdary men bastapqy shtamnyń belgileri birdeı – dene temperatýrasy kóteriledi, jótel jáne adam dám men ıis sezbeı qalady. DDU málimetteri boıynsha vırýstyń yqtımal mýtatsııasy adamdardyń indetti juqtyrý jıiligine qaraı artady.
Sonymen qatar mınıstr karantın shekteýlerin jıi buzatyn óńirlerdi atady.
«Halyq arasynda vırýstyń qaýiptiligine senbeıtin adamdar bar, olar úılený toılaryn, banketterdi jeke úıler men kottedjderde ótkizýdi jalǵastyryp keledi. Monıtorıng toptarynyń engizilgen shekteý sharalary men eskertýlerine qaramastan, sanıtarııalyq-epıdemıologııalyq talaptardy saqtamaı jumys istep turǵan nysyndardy anyqtaý jalǵasýda», - dedi vedomstvo basshysy.
Naýryzda shekteý is-sharalaryn, karantın talaptarynyń saqtalýyn baqylaý maqsatynda 16 030 reıd júrgizildi.
«Osy oraıda 102 966 nysan tekserildi, onyń ishinde 2864 nysan ákimshilik sharalarǵa qaramastan, belgilengen shekteý talaptaryn, jumys rejımin buzýdy jalǵastyryp keledi, ıaǵnı buqaralyq is-sharalar ótkizip jatyr. 3021 ákimshilik is qozǵaldy», - dedi A.Tsoı.
Mundaı nysandar myna óńirlerde kóp tirkeldi: Shyǵys Qazaqstan oblysynda, Almaty qalasynda, Shymkent qalasynda.
«Búgingi tańda elimizde karantındik sharalardy qasaqana buzǵan 512 adam anyqtaldy. Óńirler boıynsha Shymkent qalasy, Nur-Sultan qalasy, Almaty qalasy, Jambyl oblysy, Qostanaı oblysy, Pavlodar oblysy kósh bastap tur. 512 quqyq buzýshynyń arasynda 486-sy shaǵyn bıznes ókili, tórteýi orta kásipkerlik nysany jáne 22 jeke tulǵa bar», - dep naqtylady mınıstr.
KVI-ge qarsy aqyly ekpe joq
Sonymen qatar mınıstr koronavırýs ınfektsııasyna qarsy vaktsınalaý jalǵasyp jatqanyn aıtty. Búginde birinshi komponent 131 170 adamǵa egildi. 22 aqpannan bastap ekinshi komponentti egý bastaldy, 32 482 adamǵa ekpe jasaldy, jaǵymsyz reaktsııa tirkelgen joq.
Belgili bolǵandaı, óńirlerge KVI-ge qarsy vaktsınanyń 150 myń dozasy jetkizilip jatyr. Sáýirde 2,5 mln doza vaktsına jetkizý josparlanyp otyr. Vaktsınanyń bul kólemi KVI-ge qarsy vaktsınatsııalaýǵa jatatyn kontıngentti jáne vaktsına saldyrǵysy keletin adamdarǵa ekpeniń qoljetimdiligin barynsha keńeıtýge múmkindik beredi.
«Vaktsınalaý vırýstyń taralýyn azaıtýdyń jalǵyz joly ekenin eske salamyz. Osyǵan baılanysty qarsy kórsetkishter bolmasa, qazaqstandyqtardy ekpe saldyrýǵa shaqyramyn», - dedi Alekseı Tsoı.
Onyń aıtýynsha, sáýir aıynan bastap Qazaqstan boıynsha vaktsınalaýdyń túrli pýnkteri iske qosylady, ıaǵnı turǵyndardy qamtý keńeıtiledi. Sáýirde turǵyndar ózderiniń tirkelgen jeri boıynsha emhanalarǵa baryp, ekpe saldyra alady.
Atap aıtqanda, Qazaqstanda koronavırýsqa qarsy aqyly vaktsınalaý ruqsat etilmegen. Qazirgi kezde tek memlekettik aınalymda paıdalanylatyn vaktsına retinde Qazaqstanǵa resmı jetkizilgen jáne óndirilgen ekpe qamtylǵan. Mindetti áleýmettik medıtsınalyq saqtandyrý júıesine qatysqan jeke klınıkalar Qormen kelisimshartqa otyrǵan. Osy oraıda olar ekpe alýǵa jatatyn adamdarǵa aqysyz negizde vaktsına salady.
Bul turǵyda A. Tsoı el aýmaǵynda vaktsınanyń satylýy jaǵdaıy anyqtalǵanda mindetti túrde habarlaýǵa shaqyrdy.
«Sebebi qazirgi ýaqytta Qazaqstanda vaktsınany resmı satý ruqsat etilmegen», - dedi vedomstvo basshysy.
Aıtpaqshy, qazaqstandyq vaktsına klınıkalyq zertteýdiń úshinshi kezeńinde, ıaǵnı vaktsına reglamenttik merzimmen zerttelip keledi. Klınıkalyq zertteýdiń barlyq kezeńinen ótetin kez kelgen vaktsına osy rásimnen ótedi.
Mınıstr otandyq vaktsınanyń synaq merzimi aıaqtalýǵa jaqyndaǵanyn, osy oraıda tıisti qujattardy alǵannan keıin, ony ekpe kúıinde ótkizýge ruqsat etý josparlap otyrǵanyn jetkizdi.
«Shamamen, sáýir aıynyń sońy belgilengen. Klınıkalyq zertteýdiń qorytyndysy boıynsha ázirleýshi bizge barlyq qujattardy engizedi dep kútip otyrmyz. Osy qujattardyń nátıjesinde sheshim qabyldanyp, vaktsına jappaı paıdalanýǵa ruqsat etiledi», - dedi Alekseı Tsoı.
Munymen qosa, Ortalyq kommýnıkatsııalar qyzmetinde Densaýlyq saqtaý vıtse-mınıstri Ajar Ǵınııat koronavırýsqa qarsy qytaılyq vaktsına Qazaqstanǵa jetkizilmegenin naqtylady.
«Qytaı vaktsınasy elimizge áli kelgen joq. Qazaqstanǵa jetkizilgen kez kelgen dári-dármek nemese vaktsına birinshi kezekte mınıstrlikten ruqsat alýy kerek. ıAǵnı, preperattar tekserilip, onyń tıimdiligi men qaýipsizdigi nazarǵa alynady. Biraq qytaılyq nemese basqa vaktsınaǵa qatysty barlyq óndirýshilermen qazir kelissózder júrip jatyr», - dedi vıtse-mınıstr.
