KVI-men aýyrǵandardyń 95 paıyzy ekpe almaǵandar – Jandos Búrkitbaev

NUR-SULTAN. QazAqparat – Elimizde koronavırýspen aýyrǵandardyń 95 paıyzy ekpe almaǵan. Bul týraly Úkimet otyrysynda QR Densaýlyq saqtaý mınıstriniń mindetin atqarýshy Jandos Búrkitbaev aıtty, dep habarlaıdy QazAqparat tilshisi.

«Respýblıkada halyqty koronavırýs ınfektsııasyna qarsy vaktsına salý jalǵasýda. Búgingi kúni 1-komponentpen egilýge tıisti halyqtyń 78,6, ekinshi komponentpen 74,4 paıyzy egildi», - dedi ol.

Mınıstr mindetin atqarýshy álemde aýrýdyń ósýin jáne Omıkron shtamynyń keń taralýyn eskere otyryp, halyqty vaktsına salý qarqynyn arttyrý qajet. Egiletin halyqqa vaktsına salýdy aıaqtaý kerek.

«Vaktsına salýdyń tıimdiligi dáleldengen. Naýqastardyń 95 paıyzy, ókpeni jeldetý apparatynda jatqan naýqastardyń 96 paıyzy - ekpe almaǵan adamdar. Otandastarymdy vaktsınatsııa jáne revaktsınatsııa alý týraly durys sheshim qabyldaýǵa shaqyramyn», - dedi Jandos Búrkitbaev.