KVI-ge qarsy vaktsına qabyldaǵan jambyldyqtardyń sany 7700-ge jetti
TARAZ. QazAqparat – Jambyl oblysyna aǵymdaǵy jyldyń 1 aqpanynan bastap Spýtnık V vaktsınasynyń eki komponentiniń 7700 dozasy kelip tústi, dep habarlaıdy QazAqparat tilshisi.
Oblystyq densaýlyq saqtaý basqarmasynyń málimetine súıener bolsaq, búgingi kúnge deıin Spýtnık V vaktsınasynyń 1 komponentimen 7700 jambyldyq ekpe alyp úlgergen. Onyń ishinde – 4562 medıtsına qyzmetkeri, 1403 – pedagog, 44 – ІІD, UQKD qyzmetkeri, 18 – stýdent, 1 – áleýmettik mekeme qyzmetkeri, 11 – memlekettik qyzmetker, 1661 – basqa da turǵyndar bar.
«Alǵashqy egýdi alǵan 7700 adamnyń 1527-si 21 kúnnen keıin Spýtnık V vaktsınasynyń 2 komponentimen ekinshi egýdi qabyldady. Onyń ishinde 1398 – medıtsına qyzmetkeri, 77 – pedagog jáne 52 – basqalary bar. Barlyq egilgenderde vaktsınatsııadan keıin reaktsııalar men asqynýlar baıqalǵan joq» delingen atalǵan basqarmanyń baspasóz qyzmetiniń habarlamasynda.
Aldaǵy ýaqytta vaktsınatsııalaý vaktsınanyń aımaqqa túsýine baılanysty jalǵastyrylatyn bolady.
