KVI-diń qazirgi shtamy asa qaýip tóndirmeıdi – DSM

ASTANA. KAZINFORM – QR Densaýlyq saqtaý mınıstrliginiń Sanıtarııalyq-epıdemıologııalyq baqylaý komıteti koronavırýs ınfektsııasy boıynsha jaǵdaıǵa túsinik berdi.

«SARS-CoV-2 vırýs aınalymyn monıtorıngileý nátıjesine sáıkes, Omıkron túriniń aınalymy jalǵasyp jatyr. Onyń basym bóligi JN.1 nusqasyna keledi. Dúnıejúzilik densaýlyq saqtaý uıymynyń aqparatyna qaraǵanda, JN.1 koronavırýs shtamy qoǵamdyq densaýlyq saqtaý úshin qaýip tóndirmeıdi. Juqtyrý deńgeıi joǵary bolǵanyna qaramastan, bul aýrýdyń osy shtamyna shaldyqqan naýqastar ony jeńil eńserip jatyr», - delingen vedomstvonyń Kazinform agenttigine bergen jaýabynda.

Taıaýda Sanıtarlyq-epıdemıologııalyq baqylaý komıteti KVI-ge qatysty el arasynda taraǵan alyp-qashpa sózdi joqqa shyǵardy. 

Tamyz aıynyń orta kezinde mınıstrlik KVI boıynsha jaǵdaı baqylaýda turǵanyn jáne monıtorıng júrip jatqanyn jarııalady.