KVI-diń «Omıkron» shtamyna baılanysty SQO-da 37 adam karantınde otyrdy
SQO 6 jeltoqsannan beri «sary» aımaqta. Al 15 jeltoqsannan bastap óńirde shekteý sharalary jeńildetildi. Oblystyq sanıtarııalyq-epıdemıologııalyq baqylaý departamentiniń basshysy Áset Jumataevtyń aıtýynsha, sońǵy eki aptada koronavırýsty juqtyrǵandar sany 1294-ten 975-ke deıin, 25 %-ǵa kemigen. Jalpy óńirde aýyrǵandar sany azaıǵan, tek Aqqaıyń aýdanynda 1,3 ese ósim bar.
«2021 jylǵy 30 qarashada QR Bas memlekettik sanıtarııalyq dárigeriniń «Omıkron» koronavırýstyq ınfektsııa shtamyn el aýmaǵyna ákelýdiń aldyn alý jónindegi sharalardy kúsheıtý týraly» № 51 qaýlysy shyqty. Osy qaýlynyń negizinde «Omıkron» tirkelgen elderden kelgender úı karantınine alynady jáne kelgen sátten bastap 7 táýlikke medıtsınalyq baqylaýǵa alynady.
30 qarasha men 21 jeltoqsan aralyǵynda shekaralyq baqylaý pýnktteri arqyly Reseımen shekaralas avtomobıl joldary arqyly 17163 adam memlekettik shekarany kesip ótti, onyń ishinde 8225 adam júk tasymaldaýshy jáne 8876 adam jolaýshy. Sonyń ishinde PTR-ǵa anyqtamalary bar 8816 jolaýshy bolǵan, QR azamattary - 60 adam anyqtamasyz keldi jáne COVID-19-ǵa zerthanalyq tekserý úshin karantındik statsıonarlarǵa ornalastyryldy. 62 shetel azamatyna kirýge tyıym salyndy, óıtkeni olardyń PTR-test nátıjesi bolmaǵan. «Omıkron» tirkelgen elderden avtokólik arqyly kelgender tirkelgen joq», - deıdi Áset Jumataev.
Alaıda osy aralyqtaoblysqa halyqaralyq áýe reısterimen 37 adam kelgen. Onyń ishinde 14 adam Germanııadan, 1 adam AQSh-tan, 1 adam Italııadan jáne 21 adam Egıpetten keldi.
«Barlyq kelgender boıynsha bas memlekettik sanıtarııalyq dárigerdiń № 51 qaýlysynyń talaptaryna sáıkes qajetti sharalar qabyldaý úshin turǵylyqty jeri boıynsha aýmaqtyq basqarmalarǵa hattar jiberildi. Bul adamdar medıtsınalyq baqylaýǵa alynyp, kelgen sátten bastap 7 kún úı karantıninde bolady», - deıdi óńirdiń bas sanıtar dárigeri.