KVI: Brıtandyq shtamnan kisi ólý kórsetkishi joǵary ekeni joqqa shyǵaryldy
LONDON. QazAqparat – Eki jańa zertteý koronavırýstyń jańa túri brıtandyq shtamm ınfektsııanyń aýyrlyǵyn arttyrmaıdy deıdi. Biraq ol SARS-CoV-2 basqa túrlerine qaraǵanda jaqsy taralady. Zertteý sıpattamalary jazylǵan maqalalar The Lancet Infectouse Diseases jáne The Lancet Public Health jýrnaldarynda jarııalandy, dep habarlaıdy QazAqparat TASS agenttigine silteme jasap.
Osy alýan túrliliktiń alǵashqy zertteýlerine sáıkes, B.1.1.7 tez taralý múmkindiginen bólek ólim jaǵdaılarynyń joǵary bolýymen de erekshelenýi múmkin. Mamandar brıtandyq shtamdy juqtyrýdyń sebep-saldaryn zertteýdi onyń shynymen ólimge ákeletinin ıa bolmasa ákelmeıtinin túsiný úshin jalǵastyrýda. Sonymen qatar vırýstyń basqa túrlerine qarsy jasalǵan SARS-CoV-2 vaktsınalary bul shtamnan qorǵaı ma, joq pa, sony anyqtaıdy.
Alǵashqy zertteýdiń avtorlary 2020 jyldyń qarasha aıynyń basy men jeltoqsannyń aıaǵy aralyǵynda eki qalalyq klınıkaǵa túsken London turǵyndaryn baqylady. Ol kezde vaktsınatsııa jańadan bastalyp jatqan bolatyn brıtandyq shtamm týraly da eshteńe belgili bolmaǵan edi. Ǵalymdar patsıentterdiń jaǵyndylarynan alynǵan vırýstyq bólshekterdiń sany men quramyn, sondaı-aq olar juqtyrǵan ınfektsııanyń belgilerin taldady. Zertteýshilerge barlyǵy 341 londondyqtyń derekteri tústi.
Ekinshi zertteý kóptegen adamdy, atap aıtqanda, COVID Symptom Study qosymshasyn 2020 jyldyń qyrkúıek aıynyń sońynan jeltoqsannyń aıaǵyna deıin qoldanǵan 37 myńǵa jýyq adamdy qamtydy. Koronavırýsty juqtyrǵan naýqastarǵa dárigerge ınfektsııanyń belgileri týraly aıtý úshin osy qosymshany ornatýdy usyndy. Ár patsıenttiń ózin qalaı sezingeni týraly málimetterden basqa, qosymsha ol bolǵan jer týraly da jetkizdi.
Anglııa, Shotlandııa nemese Ýelstiń belgili bir aımaǵynda brıtandyq shtammy bar ınfektsııa juqtyrǵan patsıentterdiń sany kóbeıgen kezde, osy aımaqtaǵy COVID-19-dyń aýyr túrlerine shaldyqqandar sany kóbeıgen joq, kóbinese táýelsiz zańdylyqqa sáıkes ózgerdi. B. 1.1.7 túrin juqtyrǵan patsıentteriniń sany men qaıta aýrýǵa shaldyǵý deńgeıi arasynda aıtarlyqtaı baılanys bolǵan joq.
Alaıda ǵalymdar bir baılanysty baıqaǵan: reprodýktsııa ındeksi, ıaǵnı ǵalymdardyń belgili bir vırýstyń taralý jyldamdyǵyn baǵalaıtyn ındıkatory - brıtandyq shtammda «standartty» koronavırýstyń kórsetkishinen 1,35 ese joǵary bolyp shyqty.
Osynyń bárine qaramastan, ǵalymdardyń aıtýy boıynsha, qoldanystaǵy emdeýdiń kómegimen V.1.1.7 reprodýktsııa ındeksin tómendetýge bolady. Sonymen qatar, sońǵy zertteýlerge sáıkes, qazirgi ýaqytta belgili barlyq vaktsına oǵan qarsy áreket etedi.
