KVI boıynsha respýblıkalyq jáne aımaqtyq málimetter nege sáıkes kelmeıdi

NUR-SULTAN. QazAqparat – QR DSM Taýarlar men kórsetiletin qyzmetterdiń sapasy men qaýipsizdigin baqylaý komıtetiniń tóraǵasy Tımýr Sultanǵazıev Qazaqstanda KVI boıynsha statıstıkada nelikten respýblıkalyq jáne aımaqtyq málimetter keıde sáıkes kele bermeıtinin túsindirdi, dep habarlaıdy QazAqparat tilshisi.

«Koronavırýs ınfektsııasy boıynsha statıstıka kún saıyn júrgiziledi. Bizdiń aımaqtyq departamentter men test júrgizetin zerthanalar aqparattyq júıeler aıasynda KVI juqtyrǵandardyń sanyn tirkep otyrady. Málimetter mınýt saıyn jańaratyndyqtan álbette aımaqtyq deńgeıde KVI juqtyrǵandardyń sany boıynsha jańalyq Densaýlyq saqtaý mınıstrliginiń málimetine qaraǵanda jańalaý ári jedelirek. Mine aıyrmashylyq osyndaıda paıda bolýy múmkin», - dedi Tımýr Sultanǵazıev OKQ-da ótken baspasóz máslıhatynda.

Eske sala ketsek, buǵan deıin komıtet tóraǵasy elimizde koronavırýs juqtyrǵan 306 adam aýyr jaǵdaıda jatqanyn habarlaǵan bolatyn.