KVI boıynsha jaǵdaı baqylaýda, monıtorıng júrip jatyr - DSM
ASTANA. KAZINFORM – Densaýlyq saqtaý mınıstrligi koronavırýs ınfektsııasyna monıtorıng júrgizý 2022 jyldan beri JRVI jáne tumaý boıynsha qoldanystaǵy epıdqadaǵalaý júıesine engizilgenin habarlaıdy.
Monıtorıng qazirgi tańda elde respıratorly vırýstar, sonyń ishinde KVI aınalymy da baıqalatynyn kórsetti. Osy jyldyń basynan beri KVI boıynsha 1 290 jaǵdaı tirkeldi. Qaıtys bolǵandar joq. Bul rette JRVI, vırýsty pnevmonııa jáne KVI juqtyryp aýrýhanaǵa túskenderdiń joqtyǵyn aıta ketý kerek, bul KVI boıynsha dert aǵyny jeńil túrde ótip jatqanyn kórsetedi. Sonymen sekvenırleýdiń sońǵy derekterine sáıkes, Qazaqstanda álemdegideı 100 paıyz jaǵdaıda Omıkron shtammynyń túrli nusqalary aınalysta júr.
QR memlekettik bas dárigeriniń m.a. 2024 jylǵy 16 tamyzdaǵy №7 «2024-2025 jylǵy epıdemııalyq maýsymda tumaý, ótkir respıratorly vırýsty ınfektsııa (JRVI) jáne koronavırýs ınfektsııasy (COVID-19) boıynsha sanıtarlyq-profılaktıkalyq, sanıtarlyq-epıdemııaǵa qarsy is-sharalar ótkizý týraly» qaýlyǵa qol qoıdy.
Qaýlyda JRVI, tumaý jáne COVID-19 boıynsha epıdemııalyq maýsym merzimine profılaktıkalyq jáne epıdemııaǵa qarsy is-sharalar, sonyń ishinde:
- 2024 jyldyń 1 qyrkúıeginen bastap tumaýǵa qarsy vaktsınatsııa júrgizý;
- Medıtsınalyq uıymdarda: kireberisti «súzgi» jumysymen qamtamasyz etý, betperde taǵý, antıseptıkterdiń bolýy;
- JRVI, tumaý baıqalǵan bir jasqa deıingi sábıler men júkti áıelderdiń úıge shaqyrtýyna birinshi kezekte qyzmet kórsetý qarastyrylǵan.
Tumaý, JRVI, KVI aýrýlarynyń aldyn alý úshin kelesideı profılaktıkalyq sharalar júrgizý usynylady: ǵımarattyń ishin jıi-jıi jeldetip otyrý, qoldy taza ustaý úshin antıseptıkalyq quraldardy paıdalaný, naýqas adamdarmen baılanysty shekteý, aýyryp turǵan adamdarmen baılanysqan jaǵdaıda betperde taǵý, medıtsınalyq kómekke der kezinde júginý.
