KVI: Aqmola oblysynyń túzeý mekemesindegi sottalǵandarǵa vaktsına salynyp jatyr
KÓKShETAÝ. QazAqparat - Aqmola oblysy boıynsha Qylmystyq atqarý júıesi departamentiniń eń tómengi qaýipsizdik mekemesinde jazasyn ótep jatqandarǵa koronavırýs ınfektsııasyna qarsy vaktsına salynýda, dep habarlaıdy QazAqparat tilshisi.
«Vaktsına aǵzany vırýspen kúreske daıyndaıdy, búginde muny bári túsinedi. Bizdiń túzetý mekemede jazasyn ótep jatqandar da vaktsına alýǵa ózderi ótinish berdi. Árıne, buǵan deıin úlken aqparattyq túsindirý jumystary júrgizildi», - deıdi ETs-166/24 mekemesiniń bastyǵy Nurlan Álibekov.
Vedomstvonyń baspasóz hatshysy Irına Gornovanyń aıtýynsha, «Spýtnık-V» vaktsınasyn eriktiler ǵana aldy. Vaktsınanyń alǵashqy legi sottalǵandardyń 50 paıyzyna salyndy. Qalǵandaryna taǵy salynatyn bolady.
«Áleýmettik jeliler kóptegen negatıvti aqparattardy taratady, qazir olardyń qyzmetin baqylaý týraly másele zańnamalyq deńgeıde qarastyrylyp jatqandyǵy qýantady. Bizdiń kolonııa bastyǵy men qyzmetkerleriniń barlyǵy vaktsına aldy. Sol sebepti, mende otbasymmen aqyldasa kele, ózimdi jáne týystarymdy qaýipti indetten qorǵaý úshin vaktsına alý qajet dep sheshtim. Eki kún ótti, densaýlyǵym jaqsy. Vaktsına alǵandardyń barlyǵynyń jaǵdaı jaqsy. Bizge osyndaı qamorlyq kórsetip jatqan memleketimizge alǵysymyz sheksiz»,-deıdi jazasyn ótep jatqan Rýslan.
