Kventın Tarantınonyń jańa fılminiń treıleri jaryqqa shyqty
ASTANA. QazAqparat - Tanymal amerıkandyq kınorejısser, akter, prodıýser Kventın Tarantınonyń "Jeksuryn segizdik" ("The Hateful Eight") fılminiń alǵashqy treıleri jarııa etildi, dep habarlaıdy kinostan.kz.
Vesternde basty rólderdi Kýrt Rassel, Semıýel L. Djekson, Tım Rot, Maıkl Medsen, Djennıfer Djeıson Lı, Chennıng Tatým, Ýolton Goggıns, t.b. akterler somdaıdy.
2014 jyldyń basynda fılmniń bastapqy stsenarııi áldekimderdiń muqııatsyzdyǵynan kópshilikke tarap ketken bolatyn. Buǵan renjigen Tarantıno osydan keıin "Jeksuryn segizdik" túsirilmeıtinin jarııa etti. Biraq jobanyń dıstrıbıýtory Weinstein Company basshylyǵy ony fılmdi túsirýge aqyry kóndirdi.
"Jeksuryn segizdik" týyndysynyń premerasy 2015 jyldyń 25 jeltoqsanyna belgilengen.
