Kvebektegi «samýraı»: Er adam eki kisini qylyshpen shaýyp óltirdi, beseýi jaraly
KVEBEK. EURONEWS – QazAqparat – Kvebek ortalyǵynda ortaǵasyrlyq úlgidegi kostıým kıgen er kisi adamdarǵa qylyshpen shabýyl jasap, eki adamdy jer jastandyrdy. Taǵy bes turǵyn jaraly. Ol qanquıly áreketin Helloýın merekesi kezinde parlament ǵımaraty mańynda jasaǵan, dep habarlaıdy QazAqparat Euronews-ke silteme jasap.
Sýyt habar polıtsııaǵa jergilikti ýaqyt boıynsha 22:30-da túsken. Bılik ortalyq aýdandardaǵy jurtty úıinen shyqpaýǵa shaqyrdy. Qylmyskerdi ustaý úshin arnaıy operatsııa uıymdastyryldy. Arada úsh saǵattaı ýaqyt ótkende ol eski portta qolǵa tústi. Ony tekserý úshin aýrýhanaǵa alyp ketken. Tańǵa jýyq polıtsııa qaladaǵy ahýal turaqtanǵanyn málim etken.
Aldyn ala boljam boıynsha, shabýyl jasaýshy adamnyń bul áreketine jeke kózqarasy áser etken.
