Kvazımemlekettik sektordyń 5,4 myńnan astam uıymy biryńǵaı tsıfrlyq kadrlyq esepke kóshti
ASTANA. KAZINFORM — Qazaqstanda kvazımemlekettik sektordyń 5 453 uıymy kadrlyq eseptiń tsıfrlyq formatyna kóshti.
Prezıdent Іs basqarmasynyń Injenerlik-tehnıkalyq ortalyǵynyń málimetinshe, 2026 jyldyń basynan beri «Biryńǵaı kadr júıesi» aqparattyq júıesine («BKJ» AJ) 2 500 uıym qosyldy, onyń ishinde 1 050 uıym úshinshi toqsanda qosylǵan.
— Biryńǵaı tsıfrlyq platformaǵa kóshý kvazımemlekettik sektordaǵy kadrlyq ákimshilendirýdi transformatsııalaýdyń mańyzdy kezeńine aınaldy. Kadr qyzmetteri úshin qolmen atqarylatyn operatsııalardyń kólemi aıtarlyqtaı qysqartyldy. Júıede qyzmetkerlerdi jumysqa qabyldaý, aýystyrý jáne jumystan bosatýdy qosa alǵanda, shamamen 80 kadrlyq protsess avtomattandyrylyp, standarttaldy, — delingen habarlamada.
Ortalyqtyń málimetinshe, tsıfrlandyrýdyń mańyzdy nátıjeleriniń biri — kadrlyq qujattardy rásimdeýge ketetin ýaqytty ońtaılandyrý boldy. Buryn bir qujatty daıyndaýǵa orta eseppen 30 mınýt ketse, qazir bul protsess 30 sekýndqa deıin qysqardy.
— Biryńǵaı tsıfrlyq formatqa kóshý aıasynda «BKJ» AJ-ǵa shamamen 818 myń qyzmetker týraly derekterdi engizý jumystary júrgizildi. Shoǵyrlandyrylǵan derekter kadr qyzmetterine personal týraly ózekti aqparatqa jedel qol jetkizýge jáne kadrlyq rásimderdi biryńǵaı júıede júzege asyrýǵa múmkindik beredi. Uıymdardy «BKJ» AJ-ǵa qosý kezeń-kezeńimen júrgiziledi jáne kadr qyzmeti mamandaryn oqytýmen, sondaı-aq paıdalanýshylarǵa konsýltatsııalyq jáne tehnıkalyq qoldaý kórsetýmen qatar júredi, — dep habarlady ortalyq.
Eske salaıyq, buǵan deıin Qazaqstanda QR-tólemder men tsıfrlyq teńgeni damytýǵa jańa sharalar usynylǵanyn habarlaǵan edik.
