Kvazımemlekettik kompanııalar qarjysyn Parlament baqylaýy kerek – Edil Jańbyrshın
Kvazımemlekettik sektordaǵy atalǵan kompanııalardyń qarajaty qaıda jumsalatynyn tyńǵylyqty qadaǵalaý kerek. Bul týraly Májilis depýtaty Edil Jańbyrshın aıtty, dep habarlaıdy Kazinform.
«Kvazımemlekettik sektor halyqtyń qazba baılyǵyn ıgerip, sodan tabys alyp otyr. Birinshiden, osy sektordaǵy kompanııalardyń tabysy ashyq bolýy kerek. Ekinshiden, jańa Bıýdjet kodeksinde olardyń qarjylyq operatsııalary qamtylyp, Parlamentte solardyń qarjy aınalymyn baqylaýda ustaýymyz qajet. ıAǵnı qarajat máselesin olar ózderi ǵana sheshpeýi tıis», – dedi E. Jańbyrshın Májiliste jańa Bıýdjet kodeksiniń jobasy tanystyrylǵan otyrystan keıin.
Bul turǵyda depýtat atalǵan kompanııalar qarajatty qaıda jumsaıtynyn, salyq máselesin tyńǵylyqty qadaǵalaý mańyzdy ekenin aıtty.
«Jalpy, Parlament arqyly memlekettiń barsha qarjysy ótýi kerek. Sol kezde barlyǵy ashyq ári ádil bolady», – dedi Edil Jańbyrshın.
Budan buryn habarlanǵandaı, bıyl maýsym aıynda Premer-Mınıstrdiń orynbasary – Qarjy mınıstri Erulan Jamaýbaev kvazımemlekettik sektor qarajatynyń ıgerilýi máselesi jańa Bıýdjet kodeksinde qaıta qaralatynyn aıtty.
Búgin E.Jańbyrshın, sondaı-aq quny qymbattaǵan jobalar aýyrtpalyǵyn jergilikti bıýdjetke júkteı salý durys emestigin atap ótti.
