Kvazımemlekettik uıymdardyń qaısysynda qoǵamdyq keńester qurylǵan

NUR-SULTAN. QazAqparat – QR Aqparat jáne qoǵamdyq damý vıtse-mınıstri Bolat Tilepov ulttyq kompanııalardyń qaısysynda qoǵamdyq keńester jumys isteıtinin aıtty, dep habarlaıdy QazAqparat tilshisi.

«Zańnamadaǵy bul jańalshyldyq bıyl engizilgen bolatyn. Búgingi tańda kvazımemlekettik sektordyń 12 sýbektisinde qoǵamdyq keńester quryldy. Mende tizimi bar. Ulttyq kompanııalardyń ishinde Kazakh Invest, Qazaqstan ǵarysh sapary», KazakhExport, QazExpoCongress, «Qazgeologııa», «Azyq-túlik korporatsııasy», Kazakh Tourism, «QazAvtoJol» jáne «Ulttyq aqparattyq tehnologııalar ortalyǵy» AQ bar. Sondaı-aq, «Báıterek UBH» AQ, «Zerde» jáne Kazakhstan Engineering ulttyq kompanııalary qoǵamdyq keńesterin qurdy», - degen mınıstrlik ókili jyl aıaǵyna deıin taǵy birneshe kvazımemlekettik kásiporyn janynan osyndaı keńes ashylatynyn jetkizdi.

«Jyldyń aıaǵyna deıin «Samuryq Qazyna» qlttyq ál-aýqat qorynyń janynan qoǵamdyq keńes ashylady. Onyń da birneshe iri ulttyq kompanııanyń biriktiretin qurylym ekenin ózderińiz bilesizder» - edi Aqparat jáne qoǵamdyq damý mınıstriniń orynbasary Bolat Tilepov.