Kvazımemlekettik sektordyń satyp alýy salasynda karteldi kelisimder jasasý keńinen tarap ketti - Prezıdent

NUR-SULTAN. QazAqparat – Kvazımemlekettik sektordyń satyp alýy salasynda karteldi kelisimder jasasý keńinen tarap ketti. Búgin Parlament Májilisiniń jalpy otyrysynda Memleket basshysy Qasym-Jomart Toqaev málim etti, dep habarlaıdy QazAqparat tilshisi.

«Memlekettik jáne kvazımemlekettik sektordyń satyp alýy salasynda karteldi kelisimder jasasý keńinen tarap ketti. Mysaly, men byltyr farmatsevtıka naryǵyndaǵy karteldi retke keltirýdi tapsyrdym. Biraq keıbireýler zańnamadaǵy kemshilikterdi jeleý etip, bul jumysty aıaqsyz qaldyrýǵa tyrysýda. Sondyqtan karteldi kelisimder jasasty degen kúdik bolǵan jaǵdaıda memlekettik satyp alýǵa qatysýshylardy tekserýge tyıym salý týraly moratorııdiń kúshin joıýdy tapsyramyn»,- dedi Memleket basshysy.

Budan buryn habarlanǵandaı, Prezıdent terrorızmgeqarsy operatsııanyń negizgi fazasy aıaqtalǵanyn, elimizdiń barlyq óńirinde ahýal turaqty ekenin jetkizdi.