Kvazımemlekettik sektordyń satyp alýlary jónindegi zań jobasy ázirlendi
«Kvazımemlekettik kásiporyndardyń qarajaty memleketke tıesili, ıaǵnı ony únemdi ári tıimdi paıdalaný - barlyǵymyzdyń mindetimiz. Sondyqtan olardyń satyp alý júıesin memlekettik satyp alýlar júıesine birizdendirip, jaqyndatý kerek. Osy turǵyda Qarjy mınıstrligi tıisti kvazımemlekettik sektordyń satyp alýlary jónindegi zań jobasyn ázirledi. Qazir zań jobasy Úkimette qaralyp jatyr», dedi ol Úkimet úıindegi ótken baspasóz máslıhatynda.
Osy oraıda mınıstr bir-eki aıda atalǵan qujat Parlament Májilisiniń qaraýyna engiziletinin aıtty.
«Bul zań jobasynyń memlekettik satyp alýdan ózgeshelikteri bar. Sebebi kvazımemlekettik sektorda kásiporyndar jumys isteıdi, ónerkásipter bar, ol jerde qarjylyq ári banktik operatsııalar bar. Osy oraıda memlekettik fýktsııalarǵa uqsamaıtyn operatsııalar bolǵandyqtan, zań jobasynda erekshelikter eskerilgen. Bul zań jobasynyń negizgi jańalyqtaryna toqtalsaq, birinshiden, kvazımemlekettik sektordyń barlyq sýbektilerine satyp alýdyń biregeı erejelerin ornatý qamtylǵan. Ekinshiden, kvazımemlekettik sektor sýbektileriniń satyp alýlaryna qatysty memlekettik baqylaýdy kúsheıtý jáne olarǵa qatysty ákimshilik jaýapkershilikti ornatý bolady. Úshinshiden, satyp alýdyń barlyq rásimderin 100 paıyz elektrondy tásilge aýystyrý (elektrondy sharttar, jumystyń oryndalýy jónindegi elektrondy aktiler, elektrondy shaǵymdaný, kameraldy baqylaý jáne t.b). qarastyrylǵan», - dedi E. Jamaýbaev.
