Kvazımemlekettik sektordyń laýazymdy tulǵalary jazadan jeńil qutylyp ketedi - Perýashev
ASTANA. QazAqparat - Kvazımemlekettik sektordyń laýazymdy tulǵalary satyp alýlardaǵy buzýshylyqtary úshin sógis alyp, syıaqydan qaǵylý arqyly qutylyp ketedi. Bul týraly búgin «Kvazımemlekettik sektorlardy satyp alýlardy zańnamalyq retteý» taqyrybyna arnalǵan dóńgelek ústel otyrysynda QR Parlamenti Májilisiniń depýtaty Azat Perýashev málim etti, dep habarlaıdy QazAqparat.
«Másele protsedýralardy normatıvtik retteý ǵana emes, sonymen birge buzýshylyqtar úshin jaýapkershilik jaıynda bolyp otyr. Qazirgi zańǵa sáıkes bul buzýshylyqtar, ásirese para alýmen qatystylary jemqorlyq quqyq buzýshylyqqa jatpaıdy. Óıtkeni, kvazımemlekettik sektordyń jaýapty tulǵasy memlekettik qyzmetshi sanalmaıdy. Degenmen bul salada buzýshylyqtar oryn alýda. Shynymen de jaýapkershilik áli kúnge deıin bul salada qarastyrylmaǵan. Nátıjesinde ol jaqta úlken buzýshylyqtarǵa jol bergen laýazymdy tulǵa sógis alyp, syıaqysynyń jartysynan qaǵylý arqyly qutylyp ketedi», - dedi Perýashev.
Osy rette ol búgingi kúngi basty mindetterdiń biri mundaı buzýshylyqtarǵa durystap jaýapkershilik bekitý bolyp otyrǵandyǵyn aıtty.
«Jańa zań jobasynyń negizgi maqsattarynyń biri kvazımemlekettik sektordaǵy jaýapty tulǵa satyp alýlar salasyndaǵy buzýshylyqtary, zańnamany, protsedýrany buzǵany úshin tolyqqandy, durys jaýapkershilik engizý bolyp otyr», - dedi depýtaty.
Aıta keterligi, otyrys barysynda QR Qarjy mınıstri baqyt Sultanov kvazımemlekettik sektordaǵy satyp alýlardy zańnamalyq retteýdi qarastyratyn zań jobasy ázirlengenin aıtqan bolatyn.
