Kvazımemlekettik sektordaǵy satyp alý týraly zań jobasy neni kózdeıdi
Bul týraly Úkimet otyrysynda QR Premer-Mınıstriniń birinshi orynbasary - Qarjy mınıstri Álıhan Smaıylov málimdedi.
«2020 jylǵa jekeshelendirýdiń keshendi jospary aıasynda satýda turǵan 30 nysanǵa qosymsha taǵy 34 nysandy satýǵa qoıý josparlanyp otyr. «Samuryq Qazyna» men tıisti memorgandar osy jospardyń tolyq oryndalýyn qamtamasyz etýi kerek», - dedi mınıstr búgingi Úkimet otyrysynda.
Bul rette Prezıdenttiń tapsyrmasy boıynsha, barlyq mınıstrlikter, ákimdikter men ulttyq holdıngter memaktıvterdi básekeli ortaǵa berý jáne olardy jekeshelendirýdiń keshendi josparyna engizý jóninde qosymsha usynystardy 2 aptalyq merzimde UEM-ge berýi tıis.
«Jekeshelendirý josparynan nysandardy alyp tastaý boıynsha Úkimetke júginý praktıkasyn toqtatý qajet. Satyp alý boıynsha kvazımemlekettik sektordyń satyp alýlaryna biryńǵaı tásilder belgileý jáne bir kózden satyp alý úshin negizderdi qysqartý maqsatynda kvazımemlekettik sektordaǵy satyp alý týraly biryńǵaı zań jobasy ázirlenedi», - dedi Álıhan Smaıylov.
