Kvazımemlekettik sektordaǵy kompanııadan 450 mln teńge jymqyrǵan kúdikti ustaldy
Agenttiktiń Almaty qalasy boıynsha aýmaqtyq departamentimen «Kcell Solutions» JShS-niń burynǵy qarjy dırektoryna qatysty jalǵan qujattardy paıdalaný arqyly jalpy sommasy 450 mıllıon teńge kompanııanyń senip tapsyrylǵan múlkin asa iri kólemde jymqyrý deregi boıynsha sotqa deıingi tergep-tekserý óndirisi júrgizilýde.
Tergeý kezinde anyqtalǵandaı, kompanııanyń burynǵy qarjy dırektory 2018 jyldyń aqpan aıy men 2021 jyldyń sáýir aıy aralyǵynda 258 mıllıon teńge aqsha-qarajatyn 5 kompanııanyń esepshotyna aldyn ala túzilgen jalǵan kelisimsharttar men býhgalterlik qujattar negizinde jáne óziniń aılyq esepshotyna negizsiz 192 mıllıon teńgeni aýdaryp, nátıjesinde qolma-qol aqshaǵa aınaldyryp jymqyrǵan.
Osylaısha menshikke qarsy qylmystyq quqyq buzýshylyq jasap, «Samruq-Qazyna» ulttyq ál-aýqat qorynyń quramyna, ıaǵnı baqylaýshy aktsııalarynyń 51% «Qazaqtelekom» AQ-na tıesili «Ksell» AQ-na asa iri mólsherde zalal keltirgen.
Kúdikti azamat jymqyrǵan aqshany Almaty qalasynyń býkmekerlik keńselerinde utylyp otyrǵan.
Kúdiktige qatysty kúzetpen ustaý sharasy qoldanyldǵan.
Tergeý amaldary jalǵasýda. ózge málimetter tergeý múddesine oraı jarııa etýge jatpaıdy.