Kvazımemlekettik sektorda satyp alýlar formaty ózgeredi

NUR-SULTAN. QazAqparat - QR Qarjy mınıstri Erulan Jamaýbaev kvazımemlekettik sektordyń jekelegen sýbektilerinde satyp alý týraly rásimderi týraly aıtty, dep habarlaıdy QazAqparat tilshisi.

«Qarjy mınıstrligi Prezıdent tapsyrmalarynyń tez arada oryndalýyn qamtamasyz etý úshin tıisti sharalar qabyldaýda. Kvazımemlekettik sektorda biryńǵaı satyp alýdy engizý jónindegi zańǵa qatysty toqtalsaq, bıylǵy 28 tamyzynda «Kvazımemlekettik sektordyń jekelegen sýbektilerinde satyp alý týraly» zań jobasy Úkimetke engizildi. Zań jobasy barlyq rásimderdiń 100 paıyzyn elektrondyq formatqa kóshirý arqyly satyp alýlardyń ashyqtyǵyn arttyrýǵa baǵyttalǵan. Barlyq retteletin satyp alýlardy Biryńǵaı tereze arqyly ótkizý josparlanýda», - dedi mınıstr Úkimet otyrysynda.

Onyń sózine qaraǵanda, 2019 jyly qoldanystaǵy satyp alý alańdarynyń negizinde «satyp alýdyń biryńǵaı terezesi» portaly quryldy. «Atameken» UKP biryńǵaı tereze operatory bolyp anyqtaldy.

Sonymen birge, biryńǵaı terezeniń tolyqqandy jumys isteýi úshin jer qoınaýyn paıdalanýshylar men tabıǵı monopolııa sýbektileriniń satyp alý alańdarymen yqpaldasý qajet.