Kvazımemlekettik sektor tıimdiligin arttyrmaı jalpyulttyq tabysqa jetý qıyn
«Qazaqstan memlekettik basqarý jáne memlekettik qyzmet júıesin damytýdyń sapaly jańa deńgeıine ótýde dep aıtýǵa bolady. Sondyqtan bizdiń is-shara osy maqsatqa qol jetkizýge taǵy bir úles qosatyndyǵyna senimdimin. Mundaı kezdesýler saǵattarymyzdy salystyryp, baǵyt alǵan jolmen júrýge múmkindik beredi», - dedi ol «Ashyq úkimet jáne basqarýdyń jańa mádenıeti: estý, túsiný jáne áreket etý» halyqaralyq ǵylymı-tájirıbelik konferentsııada.
Osy rette ol ashyq Úkimet – bul óte keń uǵym, bir sátte qalyptasa almaıtyn óte kúrdeli qurylym ekenin basa aıtty.
«Kóbinese memlekettik qyzmetshiler óz sheshimderinde quqyq qorǵaý organdaryndaǵy áriptesteri tarapynan qandaı da bir ımplementatsııamen baılanysty bolady. Sondyqtan memlekettik qyzmetti reformalaý, memlekettik basqarý júıesin reformalaý quqyq qorǵaý jáne sot júıesin reformalaýdan oqshaý júre almaıdy», - dedi Tımýr Súleımenov.
Onyń aıtýynsha, bul baǵytta da jumys júrgizilip jatyr.
«Memlekettik basqarýdyń taǵy bir mańyzdy elementi – kvazımemlekettik sektor. Ózderińiz biletindeı, Qazaqstan ótpeli ekonomıkasy bar el. Bizdiń ekonomıkamyzda memleket qatysýy óte kóp. Ol retteýshi retinde de, aktıvterdiń ıesi retinde de qatysady.Ekeýinde de ol múmkindiginshe tıimdi bolýy kerek. Sondyqtan kvazımemlekettik sektordyń tıimdiligin, eseptiligi men ashyqtyǵyn arttyrý reformasynsyz jalpyulttyq tabysqa jetý qıyn bolady», - dedi Prezıdent Ákimshiligi basshysynyń birinshi orynbasary.