Kvazımemlekettik sektor sýbektileriniń satyp alýlar tártibi kúsheıtiledi
Bul týraly Qarjy mınıstrliginiń jaýapty hatshysy Baýyrjan Tortaev málim etti, dep habarlaıdy QazAqparat.
«Zań jobasynyń tujyrymdamasy kvazımemlekettik sektor sýbektileri satyp alýlaryn zańnamalyq retteý boıynsha túzetýlerdi qarastyrady. Osy rette kvazımemlekettik sýbektiler satyp alýlary boıynsha birqatar negizgi máseleni bekitý usynylady. Birinshiden, Qarjy mınıstrligin barlyq kvazımemlekettik sektor úshin biryńǵaı erejeni bekitý boıynsha ókiletti organ retinde aıqyndaý. Bul turǵyda «Samuryq-Qazyna», «Báıterek», «QazAgro» qamtylyp otyr. Ekinshiden, Іshki memlekettik aýdıt komıtetin kvazısektor sýbektileri satyp alýlaryn qadaǵalaý boıynsha ókiletti organ túrinde anyqtaý. Úshinshiden, satyp alýlar erejesin buzǵany úshin kvazısektor jumysshylaryna ákimshilik jaýapkershilikti bekitý eskerilmek. Tórtinshiden, kvazısektordyń barlyq satyp alýlaryn elektrondy formatqa aýystyrý qamtylyp otyr»,-dedi jaýapty hatshy «Qazaqstan Respýblıkasynyń keıbir zańnamalyq aktilerine memlekettik satyp alý jáne kvazımemlekettik sektor sýbektileriniń satyp alýy máseleleri boıynsha ózgerister men tolyqtyrýlar engizý týraly» zań jobasynyń tujyrymdamasyn tanystyrý barysynda.
Onyń sózine qaraǵanda, kvazısektor satyp alýlaryna baqylaýdy eki satyly júıeni bekitý jolymen iske asyrý usynylyp otyr. Birinshi deńgeıde baqylaý ulttyq holdıngter men kompanııalardyń ishki qadaǵalaý qyzmetterimen iske asyrylady. Іshki qyzmetter anyqtaǵan zań buzýshylyqtar joıylǵan jaǵdaıda ulttyq kompanııalardyń laýazymdy qyzmetkerleri ákimshilik jaýapkershilikten bosatylady. Ekinshi deńgede qadaǵalaýdyń ishki qyzmetiniń sheshimimen kelispeıtin satyp alýlar qatysýshylarynyń ótinimi negizinde Іshki memlekettik aýdıt komıteti baqylaýdy júzege asyrady.
Tortaevtyń paıymynsha, qadaǵalaýdyń eki satyly júıesin engizý saladaǵy sybaılas jemqorlyq táýekelderin qysqartýǵa múmkindik beredi.
