Kvazımemlekettik sektor kásiporyndaryna tolyqqandy aýdıt júrgizý kerek - depýtat
«Memleket basshysynyń memlekettiń ekonomıkaǵa qatysý úlesin qysqartý jónindegi tapsyrmasy asa mańyzdy. Mınıstrlikter men ákimdikter janyndaǵy kóptegen ulttyq kompanııalar, holdıngter, RMK men JShS-lar bir-biriniń qyzmetin qaıtalaıdy nemese jekemenshik kásiporyndar atqaratyn fýnktsııalardy oryndap júr. Negizi IT-qyzmet kórsetý, mýnıtsıpaldy avtobýs parkteri, abattandyrý sııaqty baǵyttar básekelestik ortaǵa beriletin mekemeler», - dedi M. Ramanqulov.
Onyń aıtýynsha, memlekettik kompanııalar jyl saıyn shyǵynǵa ushyrap jatqanyna qaramastan, ózderine bonýstar men syıaqylar bekitetin mysaldar bar. Jeke bızneste mundaı aıla-amaldar úshin masqara etip jumystan shyǵarady, sondaı-aq keltirgen shyǵyndy óteýdi talap eter edi.
«Kún batareıalaryn óndirý boıynsha KazPV jobasyna «Qazatomónerkásip» 88 mlrd teńge memlekettiń qarajatyn saldy. Al jeke qolǵa 1,3 mlrd teńgege, ıaǵnı salynǵan ınvestıtsııalardyń 1,5 paıyzyna berdi. ıAǵnı «Qazatomónerkásiptiń» osy shart boıynsha taza shyǵyny 86 mlrd teńgeden asty. Sonda Qazatomónerkásip basshylyǵy nemen aınalysyp jatyr? Olar ózderine bonýstar jazdyryp jatyr. Qazatomónerkásip basshylyǵynyń 2019-2021 jyldardaǵy syıaqysynyń jalpy mólsheri 4 mlrd teńgeden asty», - dedi depýtat.
Sonymen qatar ol QTJ óziniń top-menedjerlerine 2021 jyly 600 mln teńgeden astam tólegenin aıtty. Mıllıardtaǵan qaryzy men sybaılas jemqorlyq janjaly bar ulttyq kompanııadaǵy syıaqy tabysty jeke bankterge qaraǵanda joǵary.
«Báıterek» holdınginde 2021 jyly basqarmanyń tórt múshesine syıaqy shamamen 300 mln teńgeni qurady. 100 mln-ǵa jýyq bonýs alǵan osy múshelerdiń biri qazaqstandyq turǵyn úı kompanııasynyń tóraǵasy boldy. Ótken jyldyń sáýir aıynda onyń orynbasaryna para alǵany úshin 72 mln teńge aıyppul salyndy», - dedi M. Ramanqulov.
