Kvazımemlekettik kompanııalarǵa jemqorlyqqa qarsy komplaens engizilip jatyr
Sybaılas jemqorlyqqa qarsy is-qımyl agenttigi Memlekettik basqarý akademııasymen birge «Zerde» ulttyq ınfokommýnıkatsııa holdıngi» AQ-da sybaılas jemqorlyqqa qarsy komplaensti ilgeriletý boıynsha alǵashqy oqytý semınaryn ótkizdi.
Semınar jumysyna holdıng basshylyǵy, sondaı-aq «Ulttyq aqparattyq tehnologııalar» AQ, «Injınırıng jáne tehnologııalar transferti ortalyǵy» AQ, «Astana Hub» IT-startaptar halyqaralyq tehnoparki, «Astana IT University» JShS qatysty.
Aıta ketý kerek, kvazımemlekettik kompanııalarda sybaılas jemqorlyqqa qarsy komplaensti engizý boıynsha mindet ótken jyldyń sońynan bastap zańnamalyq deńgeıde engizildi jáne korporatıvtik adaldyq standarttarynyń saqtalýyn baqylaýdy kózdeıdi.
Іs-shara barysynda Agenttiktiń parasattylyq departamentiniń dırektory Ǵ. Asanuly komplaens-qyzmetterdi engizý boıynsha ınstıtýtsıonaldyq baza zańnamalyq túrde qurylǵanyn, ony damytý boıynsha ádistemelik usynymdar ázirlengenin atap ótti.
«Zerde» AQ kompanııalar tobynda komplaens-qyzmetteri qurylǵanyn eskere otyryp, Ǵ. Asanuly olardy bilikti kadrlarmen kúsheıtýge shaqyrdy.
Ǵ. Asanuly komplaens-qyzmetterdiń negizgi basymdyqtary sybaılas jemqorlyqqa qarsy monıtorıng júrgizý jáne sybaılas jemqorlyq táýekelderin anyqtaý, múddeler qaqtyǵysyn retteý, sybaılas jemqorlyqqa qarsy shekteýlerdi saqtaý bolýy tıis ekenin atap ótti.
Memlekettik basqarý akademııasynyń sybaılas jemqorlyqqa qarsy is-qımyl máselelerin zerdeleý jónindegi zertteý ortalyǵy basshysynyń orynbasary E. Jarov sybaılas jemqorlyqqa qarsy komplaens júıesin qurý protsesinde ISO 37001 «Paraqorlyqpen kúres menedjmenti júıesi» halyqaralyq standartyn engizý áleýetin atap ótti.
Óz kezeginde holdıng basshylyǵy komplans-qyzmetterdiń qyzmetkerlerin odan ári oqytýǵa jáne árbir enshiles uıymda osyǵan uqsas kezdesýler ótkizýge múddeli ekenin atap ótti.
Іs-shara sońynda keńeske qatysýshylardyń týyndaǵan suraqtaryna Agenttik jáne Akademııa ókilderi tolyq jaýap berdi.
