Quzyrly organdar eks-prezıdenttiń múlki zańsyz kelgen dep tanysa shara qoldana alady

ASTANA. QazAqparat – Parlament palatalarynyń birlesken otyrysynan keıin QR Ádilet mınıstri Azamat Esqaraev BAQ ókilderiniń suraqtaryna jaýap berdi, dep habarlaıdy QazAqparat tilshisi.

«Elbasy týraly Konstıtýtsııalyq zań kúshin joıǵannan keıin Nazarbaev qory men múlikterine qatysty sharalar qabyldana ma?» dep surady jýrnalıster.

Mınıstrdiń sózinshe, Nursultan Nazarbaevtyń endigi mártebesi eks-prezıdent bolatyndyqtan ol Prezıdent týraly zańmen qorǵalady.

Biraq atalǵan zańda eks-prezıdentterdiń múlkine qol suqpaý kepildigi joq.

«Prezıdent týraly konstıtýtsııalyq zańda eks-prezıdentter úshin ondaı kepildikter kózdelmegen. Eger quqyq qorǵaý organdary múlik zańsyz rásimdelgen dep moıyndasa, zańdyq sharalar qaralady», - dedi Azamat Esqaraev.