Quzyrly organ ókilderinen zorlyq kórgen qyzylordalyqtyń isin prokýratýra baqylamaq

ASTANA. QazAqparat - Qyzylorda oblystyq prokýratýrasy Qyzylorda qalasynyń turǵyny Janar Іzbasardyń «Facebook» áleýmettik jelisindegi shaǵymyna túsinikteme berdi, dep habarlaıdy QazAqparat atalǵan organnyń baspasóz qyzmetine silteme jasap.

Aıta keteıik, buǵan deıin Janar Іzbasar óziniń paraqshasy arqyly oblystyq memlekettik kirister departamentiniń qyzmetkerleri tarapynan azaptaýǵa ushyraǵandyǵyn aıtqan bolatyn.

«Janar Іzbasardyń 2017 jylǵy 3 qarashada jarııalanymda kórsetilgen málimetterine qatysty aryzy oblystyq prokýratýranyń SDTTBT-ne QR 146-baby 2-bólimi 1 jáne 3 tarmaqshalarymen tirkeldi», - dedi Qyzylorda oblysynyń prokýrory Halıdýlla Dáýeshov.

Qazirgi tańda arnaıy prokýrorlarmen sotqa deıingi tergeý jumystary júrgizilýde.

Baspasóz qyzmetiniń habarlaýyna qaraǵanda, qylmystyq istiń barysy erekshe baqylaýǵa alynǵan.