Quzyrly organ qyzmetkerleri fýtboldan jarysty

Sharaǵa oblystyq ІІD-den, qalalyq, aýdandyq ishki ister bólimderinen, oblystyq prokýratýradan,  Memlekettik qyzmet isteri jáne sybaılas jemqorlyqqa qarsy is-qımyl agenttiginen jáne Ulttyq ulannyń áskerı bóliminen barlyǵy 25 komanda qatysty, dep habarlaıdy QazAqparat tilshisi.

Shaǵyn fýtbol týrnıriniń qorytyndysy boıynsha, 1-oryndy Panfılov aýdandyq ІІB qanjyǵalady. 2-oryn  QR Ulttyq qaýipsizdik komıtetiniń Almaty oblysy boıynsha departamentine buıyrdy, al «qola» júldege  Eskeldi aýdandyq ІІB ıe boldy.

Almaty oblysy ІІD-niń uıymdastyrýymen ótken týrnır  «Qazaqstan polıtsııasynyń qurylýyna 25 jyl» tolýyna oraı  jáne mılıtsııa general-maıory  Ábdiqadyr Bolsambekovti eske alýǵa arnalǵan. Sharaǵa Almaty oblystyq ІІD-niń bastyǵy polıtsııa general-maıory Murat  Urumhanov, sondaı-aq ishki ister organdarynyń ardagerleri, soǵys ardageri Á.Bolsambekovtiń qyzy Anfısa Bolsambekova qatysty.

«Biz  elimiz, jerimiz úshin qaraly soǵysqa qatysyp, jeńis týyn jelbiretken batyrlarymyzdy, erlerimizdi umytpaýymyz kerek. Olardyń esimi jáne erligi, otanyna degen súıispenshiligi keler urpaqtyń árdaıym esinde bolýy úshin osyndaı sharalardy jyl saıyn ótkizý dástúrge aınalǵan» - dep atap ótti óz sózinde polıtsııa basshysy M. Urumhanov.