Quzyrly agenttik sýyq sý baǵasynyń kóterilý sebepterin túsindirdi
ASTANA. 15 qańtar. QazAqparat - 2014 jylǵy qańtardan bastap sýyq sýdyń tarıfi Qazaqstannyń 5 qalasynda ózgerdi. Bul týraly búgin Astanada QR Tabıǵı monopolııalardy retteý agenttiginiń tóraǵasynyń orynbasary Amanjol Alpysbaev málim etti.
Agenttik tóraǵasynyń atap ótkenindeı, osy ózgeristerden keıin bolashaqta sýyq sýdyń baǵasy kóterilmeıtin bolady. Mysaly, onyń sózine qaraǵanda, esepteý aspaby bar tutynýshylar úshin Taraz qalasynda 1000 lıtr úshin 2 teńge 27 tıynǵa, Zaısan qalasynda 1000 lıtr úshin 25,96 teńgege kóterilgen. «Bul ózgerister «Qazaqstan Respýblıkasynda sýǵa tarıf belgileıtin jańa tetikterdi engizý jónindegi 2013-2015 jyldarǵa arnalǵan keshendi jospardy bekitý týraly» QR Úkimetiniń 2012 jylǵy 29 jeltoqsandaǵy № 1779 qaýlysyn oryndaý úshin engizildi. Osy Keshendi jospardy iske asyrý 1000 lıtr sýdyń jáne kárizdiń shyǵyndaryn tómendetýge múmkindik beredi jáne aldaǵy ýaqytta tarıfterdiń ósýine jol bermeıdi», - dep atap ótti ol.
