14:19, 20 Jeltoqsan 2019 | GMT +6
Qujatyn úıde qaldyryp ketkeni úshin adamdardy jazalaýdy tyıý kerek - Prezıdent
NUR-SULTAN. QazAqparat - Qujatyn úıde qaldyryp ketkeni úshin adamdardy jazalaýdy tyıý kerek. Bul týraly búgin Ulttyq qoǵamdyq senim keńesiniń ekinshi otyrysynda QR Prezıdenti Qasym-Jomart Toqaev aıtty, dep habarlaıdy QazAqparat tilshisi.
«Barlyq júrgizýshiler ózimen birge jeke kýáligi men júrgizýshi kýáligin, tehnıkalyq pasportyn, jol júrý paraǵyn jáne basqa da túrli qujattaryn alyp júredi. Adamdar qujattaryn tipti úıine qaldyryp ketse de jazalaıdy», - dedi Memleket basshysy.
QR Prezıdenti usynǵan derekterge sáıkes, osy jyldyń 11 aıynyń ózinde ǵana qujattaryn umytyp ketken 80 myńǵa jýyq azamat jazaǵa tartylǵan.
«Úkimet taıaý ýaqyttyń ishinde bul problemaǵa qatysty mán-jaıdy anyqtaýǵa jáne qajet bolǵan jaǵdaıda zańnamalyq aktilerge ózgertýler engizýge mindetti», - dedi Qasym-Jomart Toqaev.
