Qujattar úshin shaqyryp, aıypty etip shyǵardy – Uldana Myrzýan isindegi sottalýshy
ASTANA. KAZINFORM – Astanalyq feldsher Uldana Myrzýannyń ólimine qatysty is boıynsha sottalýshy Sáýle Jubanııazova ózine qandaı jaǵdaıda aıyp taǵylǵanyn aıtyp berdi.
S. Jubanııazovanyń aıtýynsha, 19 shildede oǵan tergeýshi tárkilengen qujattardy qaıtarý úshin telefon soqqan.
– Kóktemnen beri tárkilengen qujattardy qaıtarýdy surap, birneshe ret jazdym. Tergeýshi ony uzaqqa sozyp júrdi. Keıin ózi telefon soǵyp, 20-sy kúni keshke kelýimdi jáne «qujattaryńyzdyń bárin qaıtaryp beremin» dedi. Qujattardy alýǵa bardym. Qujattardyń kópshiligi is materıaldaryna tirkelip, tárkilense de, tolyq kólemde alǵanymdy rastap qol qoıdym. Osydan keıin tergeýshi meni aıyptalýshy dep tanyǵanyn habarlady, – dedi sottalýshy.
Onyń aıtýynsha, osydan keıin oǵan advokat berilgen.
– Shynymdy aıtsam, abdyrap qaldym. Maǵan tegin advokat berdi. Ekeýimiz tipti sóılesip te úlgermedik. Tergeýshi «saraptamaǵa qol qoıyńyz, onda eshteńe joq» dedi. Men eseńgirep qaldym. Múmkin, jaýabymdy durys tujyrymdaı almaǵan shyǵarmyn, naqty aıta almaımyn.
Biraq qatty qobaljydym. Onyń ústine advokat ta bolmady, maǵan jaı ǵana bir áıeldi (advokatty – red.) usyndy. Sol kezde ǵana maǵan aıyp taǵyldy, – dedi Saýle Jýbanııazova.
Sondaı-aq ol jaýap alý hattamasymen tanysqan-tanyspaǵanyn esine túsire almaıtynyn aıtty.
– Shynymdy aıtsam, esimde joq. Ýaqytym bolmady. Tergeýshi «bárine tez qol qoıyńyz» dedi. Saraptamalarmen 15 mınýttyń ishinde tanysqanym týraly qujatqa qol qoıdym, – dedi aıyptalýshy.
Buǵan deıin S. Jubanııazova úıdi qandaı jaǵdaıda qabyldap alǵanyn aıtyp bergen edi.
Sondaı-aq, qasbeti qulaǵan úıde jańa jaryqshaqtar paıda bolǵan.
