Qujattar merziminiń aıaqtalatyny týraly SMS-habarlama joldanady

NUR-SULTAN. QazAqparat – Endi qazaqstandyqtar jeke nemese júrgizýshi kýáliginiń qoldanylý merziminiń aıaqtalýy týraly uıaly telefon nómirine joldanatyn SMS arqyly aldyn ala habardar bolady, dep habarlaıdy QazAqparat QR Іshki ister mınıstrligine silteme jasap.

Maqsat - azamattardyń jeke basyn kýálandyratyn qujattardyń qoldanylý merziminiń aıaqtalýyna baılanysty ákimshilik quqyq buzýshylyqtardyń aldyn alý, ıaǵnı aıyppul túrindegi qosymsha qarjylyq júktemeni azaıtý.

QR Ákimshilik quqyq buzýshylyq týraly kodeksiniń 492-babymen jeke kýálik merzimi 10 kúnnen 1 aıǵa deıin ótip ketse – eskertý, 1 aıdan astam ýaqytqa - 7 AEK nemese 21 441 teńge aıyppul qarastyrylǵan.

Endi mobıldik azamattar bazasynda tirkelgen qazaqstandyqtar qujattyń qoldanylý merzimi aıaqtalǵanǵa deıin 30 kún buryn ózderiniń uıaly telefonyna SMS-habarlama alady. Ol úshin elektrondyq úkimet portalyndaǵy (eGov.kz) jeke kabınette uıaly telefon nómiri kórsetilýi kerek.

Aıta keteıik, buǵan deıin «Azamattarǵa arnalǵan úkimet» qujattyń jaramdylyq merzimi aıaqtalǵanyn kútpeı-aq, jeke kýálikti erterek aýystyrýǵa keńes bergen edi.