Qujatsyz tulǵalar kimge júgine alady
NUR-SULTAN. QazAqparat – Qazaqstan aýmaǵynda qujatsyz nemese jaramsyz qujatpen turyp jatqandar azamattyǵyn anyqtaý úshin kimge júginý kerek? Bul suraqqa kóshi-qon qyzmeti komıtetiniń bólim basshysy Ǵanı Shymyrbaev ІІM-niń onlaın brıfınginde jaýap berdi, dep habarlaıdy QazAqparat.
«Búginge deıin qujatsyz turyp kelgen tulǵalar turǵylyqty jerdegi organdarǵa júginýi kerek. Qolynda jeke basyna qatysty qandaı da bir qujat bolsa, azamattyq mártebesin anyqtaý ońaıyraq bolady. Týý týraly kýáligi, bilimi týraly attestat nemese anyqtama, áskerı bılet neme týý týraly tirkeý qujaty sııaqty kez kelgen qujaty paıdaǵa jaraıdy», - deid Kóshi-qon komıtetiniń ókili.
Onyń aıtýynsha atalǵan qujattar arqyly kóshi-qon qyzmetiniń qyzmetkerleri resmı suraý salyp, turǵynnyń qaı eldi azamaty ekenin anyqtaıdy.
«Eger basqa elde turǵan bolsa nemese basqa elde turyp, qujattaryn sol jaqta joǵaltqan bolsa, elshilikter arqyly aqparat alamyz. Qazir bul aktsııany úkimettik emes uıymdarmen birlesip ótkizip jatyrmyz. Kezinde basqa elde turyp, eski úlgidegi tólqujat alǵan adamdardyń derekterin alý úshin konsýldyq alymdar tóleý qajet. Eger tulǵanyń eshbir eldiń azamaty emes ekeni dáleldense, azamattyǵy joq adamnyń kýáligi rásimdeledi. Ol qyzmet búginde shamamen 23 tyń teńge turady. Qujatsyz júrgenderdiń kóbinde osy aqshany tóleıtin múmkindik bolmaı jatady. Úkimettik emes uıymdar bizge osy turǵydan kóp kómektesip jatyr», - dedi Ǵanı Shymyrbaev.
