Qujatsyz 400 lıtr spırt alyp bara jatqan Kókshetaý turǵyny ustaldy

KÓKShETAÝ. KAZINFORM – Kókshetaý qalasynyń turǵyny Rýzaevka aýylyna barar jolda qujatsyz 400 lıtr spırtpen ustaldy.

Aqmola oblysy Polıtsııa departamenti baspasóz qyzmetiniń málimetinshe, aqpannyń 23-de saǵat 08:10 shamasynda «Kókshetaý-Rýzaevka» tas jolynyń 7 km patrýldik polıtsııa qyzmetkerleri 43 jastaǵy kókshetaýlyq basqarǵan «Volkswagen Transporter» kóligin toqtatqan.

«Júrgizýshiniń qujattaryn tekserý barysynda kóliktiń salonynan 5 lıtrlik shólmekterge quıylǵan barlyǵy 400 lıtr spırt tabyldy. Sonymen birge, júrgizýshiniń taýarǵa esh qujatty bolmaı shyqty. Tártip saqshylary júrgizýshini kóligine tıelgen júgimen birge Kókshetaý qalalyq polıtsııa basqarmasyna jetkizdi. Tekseristen keıin naqty sheshim qabyldanatyn bolady», - dedi vedomstvodan.

Aıta ketsek, budan buryn sıntetıkalyq esirtki saqtaǵan kókshetaýlyq azamat 4 jylǵa sottalǵanyn jazǵan edik.